Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Përplasja me policinë te Bregu i Lumit, Tabaku: Kur s’mbrohet ai që ka të drejtë, pse jemi në fund të ditës politikanë

Politiko 9 Prill 2019, 10:00
Përplasja me policinë te Bregu i Lumit, Tabaku: Kur s’mbrohet ai

Ish-deputetja e PD, Jorida Tabaku u ka kërkuar Prokurorisë, ndërkombëtarëve, Avokatit të Popullit që të shohin nga afër situatën e krijuar prej dy ditësh te Bregu i Lumit, ku banorët janë përplasur me policinë, pasi po asiston në aksionin me fadroma për shembjen e 38 shtëpive.

Për pasojë, tre banorë janë në Spitalin e Traumës, Xhabir Boleci, Flora Mandri, Uzur Mandri 76 vjeç, ndërsa 6 të tjerë janë shoqëruar në Komisariatin nr 4 në Tiranë.

Tabaku në një deklaratë për mediat, kërkon të ndërhyhet që banorët të dëmshpërblehen njësoj si pjesa tjetër e Bulevardit të Ri, pasi revolta e tyre lidhet me faktin se nuk po trajtohen njësoj para ligjit.

“Dhuna e ushtruar është e paprecedent, tre banorë janë në Spitalin e Traumës, e një 76-vjeçar po operohet në këto momente. 6 të tjerë janë shoqëruar, mes tyre gra e fëmijë. Isha në komisariatin 4 dhe nuk mora dot asnjë informacion. Ky shtet që solli drogën nuk ka sjell kaq forca policie as për kriminelët më të rëndësishëm që janë arrestuar, ndërsa sot për gra e fëmijë ka ngritur në këmbë gjithë Policinë e Shtetit.

Po dhunohet prona e banesa, jam pa fjalë nga dhunë shtazarake. Zonjat sot janë dhunuar e janë rrahur. Sot i tërhoqën zvarrë e i nxorrën nga shtëpia. Kanë mbi 5 muaj që luftojnë për pronën e tyre. Nuk ka ende informacion për disa banorë të ngujuar.

Këto banorë duan të trajtohen njësoj si 200 banorët e parë të Bulevardit të Ri, duan të jenë njësoj para ligjit. I bëj thirrje Avokatit të Popullit të vijë e të shohë dhunën që po ushtrohet këtu, prokurorisë të hetojë shkeljet e Policisë së Shtetit dhe asaj bashkiake, ambasadorëve të shohin si po dhunohet prona, që duhet ta mbrojmë të gjithë, sot po shkelet me dy këmbë. Sot konfirmojmë se parlamenti nuk ekziston. Shteti ka rënë, kur nuk mbrohet dot i dobëti, ai që ka të drejtë, për çfarë jemi në fund të ditës politikanë.  Sot shteti ka dhunuar 30 banorë të varfër”, u shpreh Tabaku.

Të fundit