Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Përplasja për monumentin e Skënderbeut, skulptori tregon prapaskenat: Ka disa të rilindur që e pengojnë, lakojnë emra në mbledhje partie

Politiko 2 Prill 2019, 07:44

Prej një muaji, zvarritja dhe moslejimi i vendosjes së monumentit të Gjergj Kastriotit në sheshin kryesor të qytetit të Lezhës është kthyer në një “mollë sherrit” mes ministrisë së Kulturës dhe bashkisë së Lezhës.

Shtatorja e Skënderbeut ishte e planifikuar për t’u vendosur në sheshin “Gjergj Kastrioti” që më 2 mars, ditën e kremtimeve për Besëlidhjen e Lezhës dhe me rastin e samitit të dytë të diasporës, por nuk është lejuar ende për shkak te lejes që i nevojitet Bashkisë Lezhë nga Instituti i Monumenteve.

Skulptori Klodian Marku, njëherësh përgjegjës i Qendrës Kulturore për Fëmijë në Lezhë tregon prapaskenat e kësaj përplasje.

Në një postim në rrjetet sociale, skulptori Marku shkruan se ky debat vjen vetëm për përfitime politike nga pushteti qendror.

“Çfarë kërkon të thotë pushteti me veprimet e mosveprimet në lidhje me zvarritjen dhe moslejimin e vendosjes së monumentit të Gjergj Kastriotit në sheshin kryesor të qytetit të Lezhës? Nuk kërkon shumë mend që ky si veprim është politik, i turpshëm dhe akoma më e turpshme është prapaskena.

Të përdorësh figurën e heroit tonë kombëtar për përfitime politike është një paburrëri ordinere sepse ne, me këtë figurë të historisë krenohemi në të gjithë botën.

Shumë shtete në botën kanë monumentin e heroit tonë por të rilindurit që pretendojnë se historia nis me ata e kanë problem vendosjen e këtij monumenti në Lezhë.

Ka disa të rilindur edhe këtu në qytetin tonë, që pengojnë vendosjen e këtij monumenti dhe të gjithë ne e dimë se kush janë !

Janë ata që mashtrojnë, vjedhin, kërcënojnë ( duke dërguar të fala në mënyra të ndryshme e duke lakuar emra të ndryshëm në mbledhje partie ) dhe më e keqja është se, po përdhosin çdo ditë e më shumë një qytet të qetë, të cilin kurrë nuk e mbaj mend me kaq shumë pasiguri.

Në të gjitha këto që thashë më sipër akoma shoh një shpresë që mund të na e ndryshojë këtë rrjedhë, dhe shpresa është tek ata njerëz që zgjedhin ti bëjnë ballë të keqes, e këta njerëz janë shumë ! “, shkruan Marku.

Të fundit