Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Përplasja për pronat në Himarë, OMONIA informoi Athinën. Dule: Rama sillet në Himarë si çifligar

Politiko 27 Shtator 2017, 22:09

Përplasja për pronat në Himarë, OMONIA informoi

Në kulmin e krizës politike në vend, qeveria ndërmori një vendim për rikualifikimin urban të Himarës. Plani u kundërshtua nga shoqata OMONIA, që pretendon se bëhet fjalë për një plan “dashakeq shpronëson vetëm qytetarët grekë”, ndërsa Qeveria thotë se plani është një pjezës e një plani më të madh të rilindjes urbane. Çështja solli edhe reagimin e Athinës, e cila u vu në dijeni nga OMONIA dhe këtë e konfirmoi në reportazhin e përgatitur nga Thimi Samarxhi për Top Story, vetë Fredi Bejleri, përfaqësues i kësaj shoqate.

Por, kryebashkiaku Jorgo Goro thotë se Athina zyrtare është keqinformuar me qëllim dhe kjo është reflektuar edhe nga reagimi i ambasadores greke në Tiranë.

“Athina zyrtare është keqinformuar dhe unë e kuptoj që nga qëndrimi që ka mbajtur ambasadorja e Greqisë në Tiranë. Po bëjmë zhvillimin e zonës dhe objektet që nuk përshtaten, apo që kanë dalë jashtë vijës, projektuesi ka kërkuar që të prishen”, thotë ai.

Plani, thotë kryebashkiaku i Himarës nuk prek vetëm shtetas grekë. Ai këmbëngul se kjo po shfrytëzohet politikisht.

“Duhet të na thonë se cilët janë grekë në 23 shpronësime që janë. Ka qytetarë që kanë marrë pasaportën greke, por ka nga ata që kanë pasaportë gjermane dhe amerikane. Ka edhe qytetarë që kanë pasaportë shqiptare. Nuk duhet t’i fusim të gjithë për çështje politike dhe të themi që janë të gjithë grekë. Të na thonë sa janë”, thotë ai. Pala kundërshtuese e planit kërkoi një takim me vetë Kryeministrin Rama.

“Ishte takim për të sqaruar Kryeministrin për këtë projekt. Ka hapësira që edhe plani të bëhet dhe të dëmtohen sa më pak pronat dhe shtëpitë e qytetarëve. Të regjistrohen njëherë pronat dhe më pas të vazhdohet me planin sipas ligjeve dhe kushtetutës shqiptare”, thotë Fredi Bejleri.

Ndersa Vangjel Dule, i cili kundërshton planin dhe ndan qëndrimin e OMONIA-s se ky plan synon shpronësimin e qytetarëve që e identifikojnë veten si grekë, e ndau problematikën në tre aspekte.

“Kemi tre aspekte. Është aspekti i projektit të zhvillimit vendor që u miratua me atë mbledhje problematike dhe nga kendvështrimi administrativ të paligjshme dhe e cila krijon shumë probleme, kemi lotin e dytë të rehabilitimit urban në Himarë dhe së treti është projekti drejtpërdrejtë i Ministrisë së Kulturës për rehabilitimin e fasadave dhe qendrave historike në Vuno, Dhërmi dhe Himarë. Të gjitha këto janë kundërshtuar nga banorët e Himarës, sepse fshehin politikat kontradiktore, selektive dhe klienteliste. Në Himarë ka pasur gjithmonë probleme me identitetin”, deklaroi Dule.

Kreu i PBDNJ-së drejtoi gishin drejtpërdrejtë nga Kryeministri Edi Rama, kur tha se ai “sillet me mentalitet çifligari në Himarë”. Dule tha se plani ka si synim shpronësimin e qytetarëve që e identifikojnë veten si grekë me qëllim zhvendosjen e tyre.

Ministrja e Kulturës kundërshtoi Vangjel Dulen. Mirela Kumbaro tha se plani synon vetëm zhvillimin e zonës dhe po përdoret politikisht. Ajo tha se nuk ka minoritet grek në Himarë.

“Në Himarë nuk ka minoritet grek. Në Himarë ka qytetarë grekë që si gjithë qytetarët shqiptarë i nënshtrohen ligjeve të këtij vendi”, tha ajo.

Ministrja e Kulturës tha se për shpronësimet janë ndjekur të gjitha procedurat dhe pronarët janë dëmshpërblyer.