Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Pesimizmi i Gjekmarkajt: Përfundimisht nuk jemi shtet demokratik, matrapazët llogari vetëm para Zotit

Politiko 22 Shtator 2019, 18:23

Pesimizmi i Gjekmarkajt: Përfundimisht nuk jemi shtet demokratik,

Analisti Agron Gjekmarkaj, në një opinion në gazetën Panorama ka analizuar 9 kushtet e vendosura nga Gjermania për hapjen e negociatave. Sipas tij, në secilin prej tyre, kupton se Shqipëria ende nuk plotëson kriteret për tu quajtur një vend demokratik dhe është pesimist që qeveria me Edi Rama në krye do t’i përmbush ndonjëherë.

“Gjithsesi, ata i vendosen qeverisë së Edi Ramës nëntë kushte bazike për ta quajtur formalisht Shqipërinë shtet demokratik. Në secilin prej tyre, vetëkuptohet që vendi ynë nuk plotëson kriteret e Kopenhagës si përkufizim për demokracinë. Ato kushte kërkojnë të mbushin boshin e madh në drejtësi, atë të legjitimitetit të zgjedhjeve si dhe dënimin e atyre që votën e vjedhin, e blejnë, e marrin me shantazh! Vështirë që kjo qeveri t’i përmbushë se është njësoj sikur mëma të dënojë bijtë e vet. Edi Rama ka gjashtë vjet që i premton negociatat, ndërsa në anën tjetër u fut dinamitin institucioneve të vendit. Ai ka katër vjet që thotë u hapën dhe madje, dekoron ambasadorë të ndryshëm për këtë sukses”, analizon ai.

Nëse negociatat do të hapën, qoftë edhe me kushte, Gjekmarkaj nuk i jep asnjë meritë qeverisë, pasi sipas tij, vendi ynë është vite dritë larg shteteve evropian. Edi Ramës i kujton edhe qëndrimin arrogant ndaj ‘njeriut të Merkelit’, deputetit Gunther Krichbaum, që u shpall edhe agjent i Rusisë, sqaron Gjekmarkaj.

“Madje, bashkë me tellallët e vet, pat shpallur armik e agjent të Rusisë deputetin Kriçbaun, njeriun e afërt të zonjës Merkel, sepse ai i pat vënë 7 pika qysh në vitin 2016, një prej tyre për lidhjet e politikës me krimin, të cilat janë intensifikuar. Tani, ato kushte u përsëriten me disa të tjera plus. Një agjitprop i fëlligtë ka pushtuar këdo në rreshtat e parë të Rilindjes, flokëbardhët e flokëlyerit, të gjatët e shkurtaqet, bylbylat e bareshat! Shoqëria shqiptare e dëshiron Europën, disa shpirtërisht, të tjerë materialisht, por e vërteta e fundit është se e duan! Ndërsa qeveria nuk ka plotësuar asnjë kusht dhe jeta jonë e brendshme, ajo politike, ekonomike, e rendit dhe sigurisë, sundimi i ligjit, raporti me korrupsionin dhe krimin nuk ka krahasim as natën, as ditën, me vendet europiane. Por hapja e negociatave, nëse ndodh, është një lajm tejet i mirë dhe i shumëpritur, në të cilin Edi Rama s’ka kurrfarë merite, ndonëse do t’i përvetësojë të gjitha!”, shkruan Gjekmarkaj.

Në fund, shton se me hapjen e negociatave, të paktën rriten shpresat se “matrapazët që na qeverisin një ditë mund të japin llogari diku”. Meqe u dha vendimi për Tahirin, Gjekmarkaj i ka disa fjalë për të dhe “shefin e madh politik”, Edi Ramën.

“Sa më shumë Europa hyn në Shqipëri, së paku po aq rritet shpresa që matrapazët që na qeverisin një ditë mund të japin llogari diku, në mos para gjykatave, përballë zotit dhe historisë po!! Kushtet e Merkelit mund të na çojnë drejt kësaj shprese hipotetike e iluzive, ndërsa kushtet e Tahirit ndaj Ramës, të cilat u gatuan gjatë orëve të gjata të pasdites së djeshme, e kushtëzojnë shumë më tepër Kryeministrin tonë. Këto do t’i realizojë medoemos, ndërsa ato të Merkelit tu pa, tu ba, madje na bëri edhe për të qeshur në këto ditë te vrugta!! Urime të përzemërta Reformës në Drejtësi, e cila e filloi mbroth, me këmbën e djathtë, punën e saj!”, përfundon ai.

*Titulli origjinal është: Kushtet e Merkelit dhe ato të Tahirit për Ramën.

*Agron Gjekmarkaj është analist politik në emisionin “Real Story” në News 24.