Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Plagosi për një femër dhe u dënua me 7 vjet burg; sot punon si përgjegjës i zyrës për 'ndihmat e huaja' në Bashkinë e Tropojës

Politiko 28 Janar 2020, 11:54

Një ish-i dënuar me 7 vite burg, për 'vrasje me dashje të mbetur në tentativë' dhe 'mbajtje armësh luftarake' punon në Bashkinë e Tropojës si përgjegjës i zyrës për integrimin europian.

Politiko ka mësuar nëpërmjet një burimi identitetin e të dënuarit dhe dokumentet përkatëse ku tregohet për hetimet e prokurorisë për shtetasin Guxim Kojeli, i cili u dënua nga Gjykata e Tiranës për një ngjarje të ndodhur në vitin 2004.

Ngjarja për të cilën u arrestua dhe dëshmitë e personave të përfshirë

Ngjarja për të cilin Kojeli është dënuar ka ndodhur në gusht të vitit 2004, në Tiranë.

Sipas dokumenteve të Prokurorisë që zotëron Politiko i pandehuri Guxim Kojeli ndodhej në një lokal me shtetasen L.L të cilën e ka qëlluar me pëllëmbë pas një konflikti. Ajo është larguar nga lokali ku ndodhej me Kojelin dhe më pas është ndjekur prej tij. Shtetasja L.L ka takuar një person tjetër, me inicialet M.T. Më pas ka ndërhyrë i pandehuri Kojeli, i cili mbante me vete në pistoletë dhe e ka qëlluar këtë të fundit duke e plagosur.

Në dëshmitë e tjera që paraqet prokuroria thuhet se shtetasja L.L ka dhënë një dëshmi të rreme duke mos e akuzuar Kojelin për shkak se ndjehej e kërcënuar, dëshmi që më pas e ka hedhur poshtë.

Personi që u tentua të vritej nga Kojeli ka dhënë dëshminë e tij. Po ashtu edhe persona të tjerë kanë dëshmuar që shtetasi M.M është qëlluar me pistoletë nga i pandehuri Kojeli.

Gjykata pas shqyrtimit të çështjes vendosi që të dënojë me 7 vite burg Guxim Kojelin, për vrasje të mbetur në tentativë dhe armëmbajtje pa leje.

Në dokumentin e bashkisë së Tropojës shihet se bazuar në vendimin e vitit 2019, Guxim Kojeli që në atë kohë punonte si sekretar i kryetarit të Bashkisë Tropojës është ngritur në detyrë duke u emëruar si Përgjegjës i Zyrës për Integrimin Europian dhe ndihmës së huaj.

Sipas dokumentit, vendimi ka hyrë në fuqi më 25 tetor 2019.

 

Të fundit