Flash News

Elez Biberaj: Protestat nuk janë kundër Trumpit, por kundër kleptokracisë

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

KRYESORE

“Plan për ndarje territoresh”, SHBA i përgjigjet Kurtit: Fake, nuk ekziston! Marrëveshjet e fundit në interes të Kosovës

Politiko 26 Mars 2020, 22:31

Një ditë pas rrëzimit me shumicë votash në Kuvend të Qeverisë së Albin Kurtit, erdhi dhe reagimi i parë zyrtar nga Shtetet e Bashkuara të Amerikës. Në një deklaratë të përbashkët të Dërguarit të Posaçaëm Richard Grenell, ambasadorit Philip Kosnett dhe Përfaqësuesit Special të DASH për Ballkanin Perëndimor Matthew Palmer, thuhet se “SHBA është pranë qytetarëve të Kosovës”. Deklarata, në fakt, nis me situatën nga koronavirusi duke shmangur një koment direkt për mocionin emosbesimit ndaj Qeverisë Kurti.

“Ne i përshëndesim përpjekjet e vazhdueshme të profesionistëve të shëndetësisë dhe të tjerë, që janë duke punuar shumë, me rrezik të madh, për të parandaluar përhapjen e COVID-19 në Kosovë”, thuhet në deklaratë, ndërsa shtohet më tej: “Në këtë koha pasigurie, ne i nxisim krerët e Kosovës që të ndjekin Kushtetutën e Kosovës dhe sundimin e ligjit. Ne jemi të përkushtuar të punojmë me çdo qeveri që të punojmë me çdo qeveri të formuar përmes procesit kushtetues”, thuhet në deklaratën e tre të dërguarve të SHBA për ndërmjetësimin e dialogut Kosovë-Serbi.

Gjithashtu tre zyrtarët e lartë amerikanë kërkojnë nga “udhëheqësit e Kosovës” që të heqin plotësisht tarifat ndaj mallrave serbe. “Ne besojmë se tarifat po dëmtojnë popullin e Kosovës duke penguar bashkëpunimin rajonal kundër COVID-19, përfshirë edhe vonesën e hyrjes në Kosovë të furnizimeve të nevojshme dhe duke penguar rritjen ekonomike”, thuhet në deklaratë. Në fund, tre ambasadorët i japin dhe një përgjigje Albin Kurtit, që gjatë fjalës së tij në kuvend u shpreh se “qeveria po rrëzohet për shkak të një plani të paracaktuar për ndarjen e territoreve” për të arritur më pas marrëveshjen me Serbinë.

Mirëpo, SHBA thotë prerë se “ne duam të sqarojmë se nuk ka asnjë plan të fshehtë për shkëmbime të tokave ndërmjet Kosovës dhe Serbisë, siç kanë spekuluar disa. I dërguari i posaçëm presidencial Richard Grenell nuk e ka parë dhe as diskutuar kurrë një plan të tillë. Përqendrimi i qeverisë amerikane në mbështetjen e marrëveshjeve të fundit për të rivendosur lidhjet ajrore, hekurudhore dhe rrugore midis Kosovës dhe Serbisë synon të përmirësojë ekonominë dhe të krijojë një vrull ekonomik. Ne besojmë se ky vrull do t'i japë energji të re një procesi dialogu që do të çonte në njohje të ndërsjellë”, përfundon deklarata.