Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Platforma antimafia e PD-së: Pasuritë e zyrtarëve që kanë abuzuar do të sekuestrohen pavarësisht nëse dënohen penalisht

Politiko 24 Shtator 2018, 13:04
Platforma antimafia e PD-së: Pasuritë e zyrtarëve që

Partia Demokratike prezantoi Platformën Kundër Korrupsionit dhe Oligarkisë duke dhënë detaje ligjore sesi do të veprohet.

Deputeti Enkelejd Alibeaj, bëri të ditur fillimisht se kush janë kontratat apo lejet e dhëna që do të verifikohen.

“Çdo kontratë abuzive koncensioni, çdo kontratë abuzive e prokurimit publik, çdo kontratë abuzive e partneritetit publik-privat e çdo kontratë tjetër abuzive e tjetërsimit të pasurive publike, shitje, dhënie me qira, dhënie për shfrytëzim e bashkë me to edhe çdo akt administrativ i dhënë me abuzim, leje, licenca autorizime”, deklaroi Alibeaj.

Deputeti i PD-së tha se mekanizimi do të ketë edhe fuqi prapavepruese që do të thotë se çdo kontratë apo leje e dhënë në të shkuarën do ti nënshtrohet filtrit të kontrollit. Në këtë pikë, kontrollit do t’i nënshtrohet kompania që ka përfituar dhe më pas zyrtari më i thjeshtë dhe deri tek kryeministri.

“Do ti nënshtrohet pasurisë së kompanive private përfituese dhe pronarëve të këtyre kompanive, ata të cilët përfitojnë në mënyrë abuzive.

Do ti nënshtrohen këtij mekanizimi çdo zyrtar publik nga nëpunësi më i thjeshtë e deri tek kryeministri. Ata të cilët kanë detyrimin për ta mbrojtur pasurinë dhe paranë publike.

Do ti nënshtrohen këtij filtri të gjithë personat e afërt, familjarët e nëpunësit, atij më të thjeshtit por dhe të kryeministrit”, u shpreh Alibeaj.

Risia që përmban platforma e propozuar nga PD është në pikën në fjalë pasi parashikon verifikim, sekuestrim dhe konfiskim të pasurisë pavarësisht nëse zyrtari dënohet apo jo penalisht.

“Pasuritë e atyre që kanë përfituar dhe atyre zyrtarëve, nga më i thjeshti deri tek kryeministri, do të verifikohen, do të sekuestrohen, do të konfiskohen, me një kusht, pavarësisht nëse do të dënohen apo jo penalisht. Dhe ky është revolucioni që sjellim me këtë platformë. Mekanizimi antmafia është tërësisht i dnarë nga procesi penal”, theksoi Alibeaj.

Të fundit