Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Po bërtiste me të madhe, policia amerikane plagos me disa plumba 13-vjeçarin autik

Politiko 9 Shtator 2020, 13:24
Po bërtiste me të madhe, policia amerikane plagos me disa plumba

Një ngjarje e rëndë ka ndodhur në Utah të Amerikës, ku policia ka qëlluar një fëmijë autik. Mamaja e djalit ka lajmëruar policinë teksa 13-vjeçari po kalonte një krizë dhe po bërtiste me të madhe.

Agjentët që kanë mbërritur në vendin e ngjarjes kanë urdhëruar 13-vjeçarin të shtrihej në tokë, por djali nuk i është bindur urdhërit dhe ata kanë hapur zjarr ndaj tij, duke e goditur disa herë me plumba, shkruan The Guardian.

Djali, emri i të cilit është Linden Cameron, është shtruar në spital me plagë në shpatull, kavilje, zorrën e trashë dhe kanalet urinare.

Ngjarja ka ndodhur të premten dhe mamaja e djalit Golda Barton, ka treguar për mediat lokale që lajmëroi 911 për të kërkuar ndihmë, duke parë që djali i saj po kalonte një krizë.

Gruaja sapo ishte kthyer në shtëpi pas ditës së parë të punës, pas rreth një viti në shtëpi dhe ka gjetur djalin e saj që po kalonte krizë për shkak të ndarjes nga e ëma.

“Nuk ishte i armatosur, po përpiqej vetëm të tërhiqte vëmendjen. Agjentët nuk duhet të përdornin atë forcë që përdorën”, ka shpjeguar Golda Barton.

“Policia është prezantuar në derë e armatosur deri në dhëmbë dhe teksa ai ka kundërshtuar për tu shtrirë në tokë ata hapën zjarr”, ka shtuar gruaja.

Keith Horrowks, zëdhënësi i policisë së Salt Lake Wity u tha gazetarëve se oficerët po u “përgjigjeshin raporteve që thoshin se një i ri kishte një problem mendor dhe menduan që Wameron u kishte bërë kërcënime disa njerëzve me një armë".

Policia konfirmoi se ata nuk gjetën asnjë armë në vendin e ngjarjes. Në një deklaratë për Salt Lake Tribune, Kryebashkiakja Erin Mendenhall u zotua se hetimi do të ishte i shpejtë.

"Pavarësisht rrethanave, ajo që ndodhi të premten mbrëma është një tragjedi dhe unë pres që ky hetim të trajtohet shpejt dhe në mënyrë transparente për hir të të gjithë të përfshirëve," tha ajo.

Të fundit