Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Po me Xhiselën ç'do bëhet? Rudina Xhunga: E dije dhe nuk fole, kujtoje se ishin punë k**vash e kriminelësh

Politiko 28 Shtator 2018, 11:53

Po me Xhiselën ç'do bëhet? Rudina Xhunga: E dije dhe nuk

Çështja mbi kallëzimin dhe më pas tërheqjen e tij nga Xhisela Maloku për djalin e deputetit Rrahman Rraja me akuzën e dhunimit dhe përdhunimit është kthyer në një debat të ‘nxehtë’ prej tre ditësh.

Furtuna e reagimeve erdhi fill pas dëshmisë së ish-oficerit të Fushë Krujës, Emiljano Nuhu, i cili deklaronte se është larguar nga Shqipëria drejt një vendi në BE, pasi u kërcënua me jetë për shkak të dosjes në ngarkim të djalit të depuetit.

Ndonëse politika është fokusuar vazhdimisht në debatin ishte apo nuk ishte Taulant Balla në komisariat ditën kur u kërcënua ish-oficeri, gazetarja Rudina Xhunga ka ngritur pyetjen: Po me vajzën denoncuese çfarë do bëhet?

Ajo thekson se vajza është e pambrojtur në këtë dramë, ndërsa ndalet te fakti se raste të tilla ndodhin për shkak të problemeve në drejtësi. Sipas Xhungës, kjo ngjarje e rëndë mund t’i ndodhë gjithkujt dhe nënvijëzon faktin se sa të pasigurt jemi.

Pjesë nga reagimi i Rudina Xhungës:

Po me vajzën çfarë do bëhet?

Vajza është e pambrojtura në këtë dramë. Është ajo që u dhunua, u gjet pre e lehtë, se nuk ka babanë, ështe vajzë fshati, jeton vetëm me një moter e nënën, u rrëmbye,shpëtoi pa e vrarë, se terhoqi kallëzimin dhe pastaj u mor serish me dhunë të mohonte kallëzimin.

Se është e thjeshtë të dhunosh një të pambrojtur e pastaj ta bësh këtë edhe publikisht.

Por çështja është kur i hap derën të fortëve, kur bëhesh me të fortin, kundër të dobtit, nesër e ke radhen ti.

Ngjarja nuk ndodhi në Siri, ndodhi në Krujë. Dhe çfare ndodh kaq afer, të vjen nesër te dera.

Do dalë nesër një i fortë edhe për ty, diku po të pret, se çfare bën, gjen.

E gjen dhe atëhere pyete veten sa të duash, si u bë ky vend kështu?

U bë , se nuk fole ti. U bë se kujtoje që ishin punë kurvash e kriminelësh, punë pozite dhe opozite.

Jo, ishin dhe janë punë drejtësie dhe padrejtësie. Punë shteti dhe antishteti, punë të fortësh qe jua japim ne fuqinë ne, me heshtjen tonë.

Pastaj ata kujtojnë se janë edhe të mençur.

Epo kur të vijnë deri tek ti, mos prit të vijë kush në ndihmë.

Se kështu bëre edhe ti kur një vajzë e re nga fshati, u rrëmbye, dhunua publikisht dhe nuk e lanë të vuajë as në heshtje se duhej të tregonte se nuk qe Balla në komisariat.

Ore njerëz, keni vajza ju, gra, motra, nena? Vërtet besoni se nuk e kanë radhen ato, nëse kjo klimë kthehet në normalitet?

Une sot jam me Xhiselën, që as emrin nuk ia mësova mirë, se ia thane të gjithë ndryshe, ngaqë më e pakta ju interesonte emri saj.

Epo mua ajo me intereson, vajza e pambrojtur, për të vetmen që nuk do t’ia dijë kush, në këte histori të ndyre dhe të ligë.