Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Policia gjermane arreston mbi 100 njerëz që protestuan kundër bllokimit

Politiko 26 Prill 2020, 17:14
Policia gjermane arreston mbi 100 njerëz që protestuan kundër

Më shumë se 100 njerëz u arrestuan të shtunën nga policia gjermane pasi protestuan kundër masave të bllokimit të koronavirusit.  Qindra njerëz u mblodhën rreth sheshit Rosa Luxemburg të Berlinit pasdite për të protestuar ndaj masave të mbylljes, pavarësisht thirrjes së autoriteteve që ndalojnë grumbullimin masiv. Kryeqyteti gjerman ka ndaluar mbledhjet e më shumë se 20 personave në mënyrë që të frenojë përhapjen e pandemisë COVID-19.

Uebfaqja e organizatorëve të protestës bëri thirrje për "përfundimin e gjendjes së jashtëzakonshme" dhe rishikimin e kërcënimit të paraqitur nga virusi. Disa nga demonstruesit mbanin bluza duke akuzuar kancelaren Angela Merkel për "ndalimin e jetës", ndërsa të tjerët thjesht thirrën duam "lirinë".

Të tjerë mbajtën pankarta që shkruanin slogane si "Stop lobit farmaceutik". Policia tha në një deklaratë se ajo vazhdimisht u kërkoi protestuesve të shpërndaheshin në mënyrë që të respektonin rregullat e distancimit shoqëror, por që u detyrua të thërriste përforcime kur thirrja e tyre nuk gjeti përgjigje. "Janë identifikuar gjithsej 105 persona dhe janë filluar veprat administrative dhe procedurat penale për shkelje të masave të kontrollit në lidhje me Ligjin për Mbrojtjen nga Infeksioni", thuhet në deklaratën e policisë.

Pesë oficerë policie u plagosën lehtë. Gjermania deri më tani ka regjistruar 152,438 të infektar dhe 5,500 viktima nga COVID-19, sipas Institutit Robert Koch. Pakënaqësia publike me rregullat e izolimit po rritet gradualisht në Gjermani me kundërshtimin e masave të bllokimit që udhëhiqet nga e djathta, forca kryesore e opozitës në parlamentin gjerman. Partia Alternativa e ekstremit të djathtë për Gjermaninë (AfD) akuzon qeverinë se e ekzagjeron rrezikun e paraqitur nga virusi dhe ka bërë thirrje për rihapjen e menjëhershme të të gjitha bizneseve.

Të fundit