Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Policia jep detaje për aksidentin në Bulqizë, u plagosën tre gra, shoferi u largua nga vendi i ngjarjes

Politiko 6 Korrik 2018, 19:11
Policia jep detaje për aksidentin në Bulqizë, u plagosën tre

Policia ka dhënë detaje sa i takon aksidentit të ndodhur në Bulqizë ku një automjet doli nga rruga duke përfunduar në humnerë dhe për pasojë u plagosën pesë persona.

Sipas policisë, shtetasi me iniciale A.S, 45 vjeç, është transportuar me helikopter drejt Tiranës ndërsa shtetasja me inicialet D.M, 42 vjeçe, është transportuar me ambulancë po në Tiranë.

Tre të plagosurat e tjera ndodhet në spitalin e Bulqizës jashtë rrezikut për jetën. Në kërkim është shpallur drejtuesi i mjetit i cili pas aksidentit u largua nga vendi i ngjarjes.

Informacion paraprak

Rreth orës 17.50, Policia e Bulqizës ka marrë njoftim se në aksin e rrugës dytësore Krastë-Bulqizë, një automjet ka dalë nga rruga.

Menjëherë është ngritur grupi hetimor ku nga verifikimet paraprake kanë konstatuar se ka dalë rreth 20 metra poshtë rrugës, automjeti tip ‘Mercedez Benz’, me drejtues Y.H, dhe për pasojë janë dëmtuar pasagjerët , A.S, 45 vjeç, i cili është transportuar me helikopter drejt Tiranës, D.M, 42 vjeçe, është transportuar me ambulancë drejt Tiranës, Xh.K, 44 vjeçe, dhe V.K, 32 vjeçe, të cilat po marrin ndihmë në Spitalin e Bulqizës, jashtë rrezikut për jetën.

Po punohet për kapjen e drejtuesit të automjetit pasi është largur nga vendi i ngjarjes.

Grupi hetimor vijon hetimet në vendin e ngjarjes, po punohet për zbardhjen e shkaqeve të aksidentit.

 

Të fundit