Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Policia monitorim të trafikut në rrugët nacionale: Masë administrative për 222 drejtues mjetesh, bllokim të lejes së drejtimit për 45 të tjerë

Politiko 16 Gusht 2020, 18:36
Policia monitorim të trafikut në rrugët nacionale: Masë

Policia Policia Rrugore ka marrë masa të shtuara për të garantuar mbarëvajtjen e kthimit të pushuesve nga zonat bregdetare, në drejtim të Tiranës dhe Morinës. Përmes një njoftimi, raportohet se është rritur prezenca e shërbimeve me uniformë në rrugë, por edhe shërbimeve civile në patrullim me qëllim parandalimin e aksidenteve rrugore.

Mësohet se, në të gjitha akset rrugore nacionale ka fluks të shtuar, por pa krijuar radhë e vonesa. Po ashtu, bëhet me dije se iu është  pezulluar leja e drejtimit 45 drejtuesve mjetesh që qarkullonin me shpejtësi tej normave të lejuara, si dhe janë evidentuar dhe ndëshkuar me masë administrative 222 drejtues mjetesh që kanë kryer parakalime të gabuara duke u bërë shkak për aksident rrugor.

Njoftimi i plotë i Policisë:

Deri në këto momente në akset Lezhë-Thumanë, Himarë-Vlorë-Fier-Durrës-Tiranë dhe Milot-Morinë, Gjiri i Lalzit-Maminas, Rrogozhinë-Elbasan, Korçë-Elbasan-Tiranë, janë evidentuar 45 drejtues mjetesh që qarkullonin me shpejtësi tej normave të lejuara, të cilëve iu është pezulluar leja e drejtimit. Janë evidentuar dhe ndëshkuar me masë administrative, në të gjitha akset rrugore nacionale, 222 drejtues mjetesh që kanë kryer parakalime të gabuara dhe manovra të rrezikshme në rrugë duke u bërë shkak për aksident rrugor. Njëkohësisht, shërbimet e Policisë Rrugore në të gjitha akset rrugore, kanë konstatuar lëvizje të çrregullta në rrugë apo manovra të rrezikshme dhe kanë ndaluar 37 drejtues mjetesh dhe motomjetesh.

Pas alkooltesteve ka rezultuar se 18 prej tyre drejtonin mjetet nën ndikimin e alkoolit, me masa alkooli që varionin nga 0.27 mg/l deri në 0.41 mg/l, të cilëve u është pezulluar leja e drejtimit.

Po gjatë pasdites e deri në këto momente janë vendosur 137 masa për përdorim të celularit, 87 masa për mospërdorim të rripit të sigurimit dhe 21 masa për mosvendosje të kaskës mbrojtëse.

Policia Rrugore apelon për drejtuesit e mjeteve që të respektojnë rregullat e qarkullimit, sinjalistikën orientuese dhe kufizuese.

Të fundit