Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Policia përhap panik te protestuesit e 16 shkurtit”, PD paralajmëron Ramën: Do jesh i vetmi që do mbash përgjegjësi

Politiko 12 Shkurt 2019, 15:55

“Policia përhap panik te protestuesit e 16 shkurtit”, PD

Policia e Shtetit nëpërmjet një njoftim për median bëri me dije se “do të kryejë kontrolle intensive të mjeteve në disa akse kryesore me qëllim që të parandalojë përfshirjen e personave me rekorde dhe precedentë kriminalë në protestën e datës 16 shkurt në interes të sigurisë së pjesëmarrësve të saj dhe të qytetarëve të tjerë”.

Pas kësaj deklarate të policisë, ka reaguar Partia Demokratike, e cila siguron qytetarët se skenari kriminal i Edi Ramës nuk do të funksionojë. Deputeti Gazment Bardhi u shpreh në deklaratën për median se skenari për të përdorur policinë si vegël politike është kriminal.

“Koha për Edi Ramën është drejt skadimit. I bëjmë thirrje të heqë dore nga çdo skenar destabilizues në të kundërt Rama do jetë i vetmi që do të mbajë përgjegjësi si çdo diktator që del kundër vullnetit të popullit të bashkuar”, tha më tej Bardhi gjatë deklaratës së tij.

Fjala e plotë e Gazment Bardhit:

Në një përpjekje të mjeruar, i rrethuar nga zhgënjimi, zemërimi dhe revolta e shqiptarëve, Edi Rama, i vetmuar, shfaqi sot gjithë pasigurinë dhe frikën e tij, kur urdhëroi Policinë e Shtetit të përhapë panik lidhur me protestën e 16 shkurtit.

Skenari për të përdorur policinë si vegël politike është kriminal.

Partia Demokratike garanton çdo qytetar për sigurinë e tij në datën 16 Shkurt.

Shqiptarët do t’i bashkohen protestës së opozitës, sepse e dinë mirë që kriminelët dhe bandat janë me Edi Ramën dhe jo mes protestuesve. Ne do të protestojmë si njerëz të lirë dhe me dinjitet.

Paralajmërojmë Policinë Politike të Edi Ramës të rrijë larg protestuesve! Të mos pengojë lëvizjen e lirë të tyre! Përndryshe, secili prej shërbëtorëve të skenarit kriminal të Edi Ramës, do të mbajë përgjegjësi personale dhe ligjore!

Në Shqipëri ka vetëm një skenar destabilizimi. Ai është skenari i Edi Ramës për të qeverisur bashkë me krimin e organizuar, i cili blen vota dhe mandate për të mbajtur në pushtet Edi Ramën.

Edi Rama ka vetëm një detyrë: t’i hapë rrugë zgjidhjes politike! Ai nuk mund të qeverisë më me mandate të vjedhura dhe kundër interesit të shqiptarëve! Koha për Edi Ramën është drejt skadimit!

I bëjmë thirrje të heqë dorë nga çdo skenar destabilizues që ka mbi tryezën e tij! Në të kundërt, Edi Rama do të jetë i vetmi që do të mbajë përgjegjësi, njësoj si çdo diktator që del kundër vullnetit të popullit të bashkuar!

Ftojmë shqiptarët të injorojnë kërcënimet e një pushteti të kalbur nga krimi dhe korrupsioni! Shumica dërrmuese e policëve janë me protestuesit, sepse ata duan që të luftohet krimi. Njësoj si ne të gjithë,edhe policët duan më shumë siguri për fëmijët e tyre, më shumë mundësi për ta dhe duan t’i rrisin ata në një vend normal.

Më 16 shkurt, së bashku do t’i hapim rrugë normalitetit europian në Shqipëri!

Të bashkuar askush nuk do të na ndalë dot!