Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Policia shpall shifrat: Në gushtit kanë hyrë në Rinas 308.497 njerëz, 9 janë arrestuar, 177 shtetas janë refuzuar të dalin

Politiko 5 Shtator 2017, 08:53
Policia shpall shifrat: Në gushtit kanë hyrë në Rinas

Pas mbylljes së sezonit të ri turistik policia kufitare e Rinasit ka dhënë informacion për hyrje daljet që kanë ndodhur në aeroportin e Rinasit. Sipas policisë gjatë muajit gusht ka pasur rritje të njerëzve që hynë në vendin tonë përmes aeroportit të Rinasit, ku konkretisht kanë hyrë 308.497 shtetas shqiptarë e të huaj si dhe kanë dalë 201.332 shtetas shqiptarë e të huaj. Policia gjithashtu njofton se janë arrestuar 9 persona si dhe janë proceduar disa të tjerë për vepra të ndryshme penale.

Njoftimi i policisë:

"Gjatë muajit Gusht kanë hyrë në Shqipëri 308.497 shtetas shqiptarë e të huaj. Kanë dalë 201.332 shtetas shqiptarë e të huaj. Gjatë gjithë muajit Gusht ka pasur një rritje të madhe të fluksit të hyrjes për në vendin tonë, krahasuar me një vit më parë , ku numri arrin deri në 13.500 shtetas shqiptarë dhe të huaj në ditë.

Aktualisht në Rinas po punohet me 7 sportele në hyrje dhe 5 në dalje.

Gjatë gjithë muajit Gusht nga shërbimet e Policisë Kufitare Rinas, janë arrestuar 9 shtetas, si dhe janë proceduar penalisht në gjendje të lirë 8 të tjerë, për veprën penale “Falsifikimi i pasaportave, letërnjoftimeve ose i vizave”. Janë kapur 8 shtetas të shpallur në kërkim, për vepra të ndryshme penale, për llogari të Drejtorive Vendore të Policisë në Qarqe. Janë proceduar penalisht për veprën penale atë të ”Braktisjes së femijëve të mitur” 4 shtetas (dy burra e dy gra).

Në drejtim të evidentimit dhe bllokimit të shtetasve që kanë për qëllim kalimin e kufirit për të kërkuar azil në një nga vendet e BE-së, gjatë kësaj periudhe u është refuzuar dalja nga Republika e Shqipërisë:

-177 shtetas të refuzuar bazuar në masat shtesë të përcaktuara në urdhërin e Drejtorit të Përgjithshëm të Policisë së Shtetit, urdhër i dalë në fillim të muajit Gusht. Aktualisht janë forcuar edhe masat në drejtim të parandalimit të akteve terroriste. Policia Kufitare e Rinasit është e angazhuar maksimalisht për t’u ofruar një shërbim sa më cilësor të gjithë shtetasve që hyjnë dhe dalin nëpërmjet aeroportit, si dhe e vendosur për të parandaluar, evidentuar dhe ndëshkuar paligjshmërinë."

Të fundit