24 banorë zyrtarë në Big Brother VIP, ja kush janë 6 VIP-at e rinj

Koreografi i njohur Albi Nako nis rrugëtimin në Big Brother VIP 3. Ai u prezantua në një mënyrë ndryshe, duke dhuruar show me një kërcim.

Dea Vieri është banorja e dytë që bëhet pjesë e shtëpisë së “Big Brother VIP” mbrëmjen e djeshme.

“Jam Dea Vieri. Jam 26 vjeç. Kam studiuar ekonomi, por nuk e kam ushtruar kurrë profesionin tim

Kam punuar dy vite si stjuardesë. Kam qenë pjesë e një reality-show dashurie. Më keni parë në “Trotuar” në “E Diell”.

Ish-futbollisti i Kombëtares shqiptare, tanimë trajner futbolli, Klodian Duro iu bashkua shtëpisë.

“Jam futur në shtëpinë e BBV3 me qëllim që vajza ime Deana të jetë fansja ime më e zjarrtë dhe ajo të jetë krenare për babain e saj”, tha Duro.

Fatjon Kuqari është  ka hyrë me qëllime të qarta, të fikë dritat e fundit në shtëpi dhe të sigurojë fitoren e këtij edicioni të tretë.

“Unë e kam bërë krenare mamin, e kam një nga fansat më të zjarrta, pres të fik dritat i fundit. Më vjen të futem nga ekrani aq mezi po e pres të këtë gjë. I kam parë mbi 18 orë në ditë. Nuk i kam kuptuar akoma tamam, si banor t’i e di që është ndryshe”, tha Fatjoni.

Këngëtarja dhe tekstshkruesja, Arta Kabashi  e veshur me të bardha zgjodhi një hyrje plot emocion në oborrin e shtëpisë së BBV.

E shoqëruar nga një prej balerinëve profesionistë të Top Channel, ajo i la të gjithë pa fjalë, ndërsa performanca po shikohej nga banorët. Ajo hyri në shtëpi ndërsa mbahej në krahë nga njëri prej banorëve, Elvisi.

Këngëtari i njohur i muzikës shqiptare, Bardhi, është banori i fundit që bëhet pjesë e shtëpisë së “Big Brother VIP 3” mbrëmjen e sotme.

Ai u prezantua duke kënduar një nga këngët e tij më të famshme, teksa banorët e pritën të gjithë së bashku në arenën e “Super Sport”.

Bardhi kështu bëhet banori numër 24 i shtëpisë më të famshme në Shqipëri dhe është gati për këtë aventurë të re.