4 mënyra për ta çuar në një nivel tjetër stilin tuaj 'casual'

*Ky artikull përmban ide dhe këshilla për stilin e meshkujve - për ata që pëlqejnë dhe vishen casual

Rrobat që i keni për në përditshmëri, të rastësishme ose ato praktike dhe komode ­- casual - janë pikërisht ajo pjesë e rëndësishme e gardërobës suaj por që nuk është e lehtë ta etiketosh si të tillë.

Pra, është e vështirë të vendosësh kufij nëse janë rroba "përditshmërie" apo jo. Nëse pyesni se çfarë është një kostum, shumica e njerëzve do të thonë "veshje biznesi", por një kostum rozë e lehtë me vija të verdha? Jo aq e përshtatshme për një mbledhje.

Me standardin e ri që duhet të jeni 'të relaksuar' kudo, në çdo industri, është akoma më e vështirë të përcaktohet 'veshja e biznesit'. Por në varësi të punës suaj, veshjet 'casual' mund të jenë më të lezetshme se veshjet e punës, ose dhe mund të jenë të njëjtat rroba.

Pra, mos u shqetësoni shumë për kategoritë dhe definimet (përcaktimet)  e rrobave.

Megjithatë, me pak mendim dhe përpjekje, me rrobat tuaja "casual" do të merrni shumë vëmendje dhe "kthim koke" nga vajzat ;)

Si ta lartësoni stilin tuaj 'casual'?

Shumëllojshmëria është "erëza" e jetës dhe gjithashtu shpirti i veshjeve 'casual'.Nëse shikoni një model - ose thjeshtë një djalë në rrugë të veshur bukur - do të vëreni se ajo që e bën të dallohet është se rrobat e tij nuk janë si të të gjithëve.

Këtu keni 4 mënyra të thjeshta për të ngritur nivelin e veshjeve tuaja 'casual':

Vishni diçka sipër

Xhaketat/pulovrat në thelb do të thotë vetëm shtimi i pjesëve në një veshje. Nëse visheni vetëm me këmishë apo vetëm me triko, asgjë nuk do duket e veçantë. Shtoni gjithmonë diçka: një xhaketë xhins, një pulovër mbi këmishë apo një xhaketë lëkure a pallto. Të jeni të sigurte që do bini shumë në sy.

Theksoni veshjen tuaj

Të dukesh mirë ka të bëjë me njerëzit që e vërejnë pamjen tënde dhe e kujtojnë atë. Theksimi i veshjeve, u jep njerëzve diçka për t'ju kujtuar.

Po si mund të theksoni një veshje?

Vendosni një rrip ose një aksesorë mashkullor - byzylyk apo një orë unike. Ndonjëherë pse jo të guxoni dhe me ngjyrat. Teksa meshkujt përpiqen të jenë më shumë drejt ngjyrave neutrale, nëse ju do keni ngjyra pak më të theksuara do bini në sy.

Mos e neglizhoni rrobaqepësen

Shpesh meshkujt i shohin rrobaqepëset më shumë si një mundësi për të qepur një kostum klasik, por nuk e keni idenë çfarë stili dhe pamje i jepni veshjes tuaj me disa personalizime të vogla tek rrobaqepësja juaj.

Duke nisur që nga kthimi i pantallonave apo këmishët. Mund edhe t`i qepni aty nga e para. Do jeni më të veçantë dhe do dini çfarë po vishni.

Eksperimentoni

E gjitha ka të bëjë me shumëllojshmërinë.

Nëse jeni adhurues i madh i xhaketave sportive, dhe zotëroni një dollap të tërë plot, jeni të vendosur për këtë lloj stili. Por nuk doni të jeni ai djalë që mban gjithmonë një xhaketë sportive.

Përzieni ca. Investoni në këmisha që mund të vishen pa xhaketë, apo këmisha që janë të pazakonta nën xhaketë, si bluza me mëngë të gjata në vend të këmishës me jakë. Zëvendësoni triko ose pallto casual. Dhe kështu me radhë.

Burimi: Art of Manliness; Përshtati në shqip: Politiko.al