4 sezone të suksesshme, pas përfundimit të "Çukur" fillon "lufta" mes fansave dhe produksionit

*Kujdes, ky postim përmban spoiler

"Çukur" (Gropa), që transmetohet aktualisht në Shqipëri, ka përfunduar të hënën rrugëtimin e tij prej 4 sezonesh. Ky serial, megjithëse ishte më i shikuari dhe kishte një audiencë ndërkombëtare nga e gjithë bota, produksioni vendosi ta mbyllë atë.

Sidoqoftë, në episodet e fundit, gjithçka ka marrë një rrjedhë tjetër, ngjarjet kanë ndryshuar dhe aktorët janë detyruar të luajnë pjesë që nuk ishin planifikuar, duke ndryshuar kështu skenarin e serialit – kjo sipas burimeve konfidenciale pranë aktorëve, që janë bërë publike dhe në mediat sociale.

Aktorë të njohur si Aras Bulut İynemli, Tilya Damla Sönmez, Erkan Kolçak Köstendil, Burak Dakak, Necip Memili dhe shumë aktorë të tjerë të rëndësishëm të serialit, janë përshtatur me skenarin e ri të kompanisë, por mesa duket marrëdhëniet e tyre me AyYpim (kompania prodhuese) janë prishur. Thuhet madje se skena të tjera janë xhiruar për episodin final por skenari ka ndryshuar në moment të fundit, duke ndryshuar kështu dhe finalen e "Çukur".

Finalja e madhe e "Çukur" është konsideruar nga fansat (të cilët janë në një bazë shumë të madhe) si një tallje me aktorët dhe me audiencën gjithashtu. 

Përveç fundit të lumtur dhe mungesës së zhvillimit të karakterit të personazheve në serial (i njohur në gjuhën e aktrimit si "zhvillimi i karakterit"), produksioni vendosi të rikthejë aktoren që luajti në dy sezonet e para, Dilan Deniz - karakteri i së cilës vdiq në sezonin e dytë, për shkak fansat nuk e donin atë duke e gjykuar për aktrimin e saj që nuk ishte në nivelet e kastit. Kujtojmë që Dilan filloi karrierën e saj si modele dhe njihet më shumë për rolin e Senas, për të cilën mori më shumë vëmendje sepse ajo luante krah Aras Bulut İynemli.

Pjesëmarrja e saj në episodin final të serialit, u pa nga fansat e "Çukur" si mungesë respekti për punën e palodhur të aktorëve të tjerë që punonin 6 ditë në javë gjatë gjithë këtyre viteve duke dhënë performanca ikonike.

Kryesisht për dy protagonistët Aras Bulut İynemli dhe Damla Sönmez - të cilët ishin çifti protagonist në serial si “Yamaç dhe Efsun”. Yamaç dhe Efsun i kanë dhuruar fansave të këtij seriali dashurinë e tyre epike dhe ikonike për 2 vite, duke rrëmbyer kështu zemrën e publikut.

Fansat e serialit, që nga mbrëmja e së hënës,kanë shpërthyer të gjithë zhgënjimin e tyre në Twitter për pakënaqësitë ndaj produksionit. Por kjo pakënaqësi nuk është vetëm nga ana e fansave, por edhe e aktorëve dhe sipas burimeve (ende të pakonfirmuara) Aras Bulut İynemli, Tilya Damla Sönmez, Burak Dakak dhe Necip Memili kanë përfunduar kontratën e tyre me AyYapim.

Asnjëri nga aktorët nuk promovoi fundin e episodit dhe as nuk i dhanë lamtumirë serialit për të cilin disa prej tyre punuan 4 vjet dhe të tjerët 2-3 vjet.

Tre fotot më poshtë tregojnë promovimin që aktorët bënë gjatë ditëve të para të karantinës në vitin 2020 ndërkohë asnjë postim për finalen, e ashtuquajtur “të madhe”:

Nga ana tjetër, skenaristi i serialit, Gokhan Horzum – i cili është akuzuar shpesh nga fansat si maskilist, mizogjenist ka marrë një valë komentesh kundër skenarit dhe si rrallë herë, ai ka vazhduar “fushatën e bllokimit” të fansave që mbështesin #ArDam (aktorët Aras Bulut İynemli dhe Damla Sönmez), grupi i të cilëve në rrjetet sociale mban emrin #EfYam.

*Kujdes, spoiler
Fundi i serialit u mbyll me “kapërcim vitesh” dhe me vdekjen e protagonistit, Yamaç i- i cili vdiq për shkak të pleqërisë dhe në "jetën e përtejme" (afterlife) e pret dashuria e tij më të madhe, Efsun – e gjitha e veshur në të bardhë, njësoj si Yamaç, e cila e drejton atë që të përshëndet edhe njëherë me të dashurit e tij.

Nga mbështetësit e dyshes #EfYam, ky fund është interpretuar si një përshëndetje e fundit e Yamaç me të gjithë të dashurit e tij dhe më pas kthimi tek Efsun, pasi vetëm këta të dy janë të veshur me të bardha dhe të tjerët me rroba normale. Por, sipas faqeve turke, kompania ka ndërhyrë sërish, duke prerë një tjetër skenë dhe duke ndryshuar fundin.

Më pas, ai takon të gjithë anëtarët e familjes së tij, duke përfshirë Senan (aktoren Dilan Deniz) të cilin ai e puth - gjë që ka irrituar më shumë fansat. Nga ana tjetër, adhuruesit e karakterit të Senës pretendojnë se Yamaç gjithashtu zgjodhi Senën në "jetën e përtejme", gjë që kundërshtohet rreptësisht nga fansat që mbështesin aktorët e tjerë të serialit. 

Sidoqoftë, produksioni nuk ka bërë ndonjë sqarim apo deklaratë, por sipas informacioneve jozyrtare, aktorët janë zhgënjyer dhe siç duket edhe ata janë në anën e #EfYam, sepse përveç këtij çifti, është ndryshuar tërësisht dhe skenari i karakterëve të tjerë në episodet e fundit për shkak të promovimit të Dilan Deniz.

Më poshtë janë disa nga reagimet e tifozëve në Twitter:

 

Foto nga seriali dhe nga prapaskenat e serialit: