A janë duke përjetuar një lidhje dashurie Aras Bulut İynemli dhe Damla Sönmez? Çfarë thonë vetë aktorët

Megjithëse "Çukur" përfundoi në fillim të qershorit, ende përflitet për aktorët dhe sidomos për dy protagonistët, Aras Bulut İynemli dhe Damla Sönmez. Dy aktorët kanë luajtur bashkë në këtë serial për dy sezone dhe kimia e tyre ishte e jashtëzakonshme duke tërhequr kështu fansa nga e gjithë bota.

Dy aktorët kanë qenë në një lidhje të gjatë dashurie më parë, Damla Sönmez me aktorin Ushan Çakir dhe Aras Bulut İynemli me Bige Onal.  Damla dhe Ushan janë ndarë para disa muajsh, ndërkohë së fundmi është ndarë dhe Aras me Bige. Një lidhje dashurie e cila nuk ka qenë shumë në sy të publikut dhe shpesh herë është aluduar mbi vërtetësinë e kësaj lidhjeje.

Ndërkohë, mbrëmë, një lajm i publikuar nga media turke "Gazete Magazin" ka bërë 'lëmsh' internetin, ku kishte reagime të shumta mes fansave por dhe ata që nuk i mbështesin dy aktorët.

"Lajm ekskluziv.
A ishte e vërtetë dashuria e Yamaç dhe Efsun?
Pretendohet se Aras Bulut İynemli dhe Damla Sönmez janë të dashuruar dhe ka rënë në axhendë si një bombë. Pretendohej se Aras Bulut Iynemli, i cili u nda me Bige Önal muajin e kaluar, është në një lidhje me Damla Sönmez. Pretendohet se çifti po e jetojnë lidhjen e tyre shumë fshehurazi dhe qëndruan në një shtëpi të vogël të lëvizshme në anën e Izmir Seferihisar javët e fundit. Shpërndarja e një fotoje nga ana Damla Sönmez ku është një grua që puthet nga një re, e përforcon akoma më shumë këtë."

"Bulut" në turqisht do të thotë re dhe kjo media përdori këto detaje për të përforcuar lajmin, gjë që u konsiderua nga fansat në rrjetet sociale e tepruar që të bëhet një lajm i tillë vetëm më një foto në story.

Ndërkohë i menjëhershëm ka qenë reagimi i dy kompanive menaxhuese të aktorëve, të cilët e kanë mohuar këtë lajm duke thënë se nuk ka një lidhje mes tyre.

Nga ana tjetër, fansat nuk janë të bindur me këto reagime, duke u shprehur në Twitter se këto janë vetëm manovra për të matur opinionin publik dhe më pas për të shpallur lidhjen e tyre.

Me qindra mijëra fansa janë admirues të dy aktorëve dhe duan që t`i shohin bashkë në projekte të reja dhe më së shumti në jetën reale duke përjetuar një dashuri të vërtetë dhe epike si në serial.