Flash News

Mandati i EULEX-it në Kosovë zgjatet deri në vitin 2027

Shkatërrohet rrjeti i trafikantëve të drogës, 11 arrestime në Foggia, në qendër të hetimit një shqiptar

Gara për kreun e BKH-së, përfundon sot afati për aplikimet

Plagosi çiftin e bashkëshortëve në Rrogozhinë, ja kush është autori

Plagosi me armë fqinjët, vetëdorëzohet në polici autori

POLITIKOFF

Arjan Konomi tregon detaje nga aksidenti i tmerrshëm që pësoi në Jordani: Pa ndërhyrje mund të mos kisha jetuar

Politiko 3 Korrik 2022, 21:46

Arjan Konomi tregon detaje nga aksidenti i tmerrshëm që pësoi

Para pak ditësh, Arjan Konomi, përmes një mesazhi në llogaritë e tij sociale, dha lajmin se pas një aksidenti të pësuar gjatë udhëtimit të tij të fundit në Jordani, ka rrezikuar të humbasë përgjithmonë krahun. Megjithatë, falë ndërhyrjes së shpejtë, duket se situata ishte më shpresëdhënëse.

Së fundi, ai tregon me detaje çfarë i ka ndodhur pas rënies nga kali, që për pak i ka rrezikuar seriozisht jetën. Në një video të fundit në TikTok, Konomi jep më shumë detaje për atë që i ka ndodhur në Jordani dhe peripecitë që i dashur të përballojë para dhe pas operacionit.

“Rënia nga kali thonë që është shumë e rrezikshme. Unë rashë në shkëmb me brryl. Ishte vërtet e tmerrshme sepse pas rënies kocka e brrylit çau mishin e trupit, doli jashtë dhe e kisha kockën jashtë, gjaku lau rrobat, u bë një pellg dhe nuk pushonte. Me dorën time kam kapur kockën e krahut për ta futur në vend. Aty më ndihmoi dhe ai djali i guidës dhe një tjetër. Një situatë e llahtarshme. Duke e tërhequr ata fort, unë arrita ta vendosja kockën brenda mishit dhe ta ngecja. Doktori më tha pas operacionit se nëse nuk do e kisha bërë këtë ndoshta nuk do kisha jetuar më sepse edhe në rastin më të keq që do kisha shpëtuar prej hemorragjisë, në atë formë që kishte dal kocka, edhe ato pak damarë që nuk ishin këputur, do ishin përdredhur në mënyrë të tillë sa nuk kalonin më gjak. Më pas më çuan në qendër shëndetësore dhe gjatë gjithë rrugës më binte të fikët, më kujtoheshin filmat që kemi pas parë. Aty e tërhoqën dhe njëherë fort pjesën e parakrahut, por problem ishte që venat ishin këputur dhe nuk kisha më puls. Më pas më çuan në spitalin e kryeqytetit në Amman, spitali më i mirë privat atje. Bënë grafi dhe thanë krahun me shumë mundësi e ke humbur, megjithatë do shikojmë gjatë operacionit…”

Në një mesazh tjetër, Arjani falënderon të gjithë miqtë virtualë që i kanë dërguar mesazhe pafund dhe veçanërisht, mikun e tij nga Londra që i mbuloi shpenzimet e spitalit në Amman. Siç tha Konomi, spitali nuk ia merrte përsipër operacionin pa kryer pagesën.

Të fundit