Babai i Ben Affleck nuk ishte në dijeni se djali i tij është fejuar me Jennifer Lopez

Babai i Ben Affleck, Timothy Affleck, zbuloi se nuk e kishte idenë që djali i tij i kishte propozuar sërish Jennifer Lopez-it për martesë.

"Unë nuk kam folur me ta për shumë vite, por nëse gjithçka që dikush lexon në internet është e vërtetë, ata po kalojnë një kohë të mirë së bashku," tha Timothy, 78 vjeç, për "The US Sun" në një intervistë të botuar të mërkurën.

“Ai është mjaft i zënë me të gjitha aktivitetet e tij të reja. Ai ka punuar shumë, gjë për të cilën duket se askujt nuk i intereson.”

Kur u pyet nëse ai e miraton martesën e çiftit, Timothy tha për median:  "Kjo është mirë për mua! Jam i lumtur për këtë.”

Timothy u shpreh se beson se ylli i "Argo", 49 vjeç dhe J.Lo, 52 vjeç, do të jenë në gjendje t'i bëjnë gjërat të funksionojnë këtë herë, ndryshe nga fillimi i viteve 2000 kur ata anuluan fejesën e tyre të parë.

“Unë nuk di asgjë për planet e dasmës apo diçka të tillë. Por nuk e imagjinoj se do të ketë një përsëritje të marrëveshjeve të fundit të dasmës", - tha ai.

“Herën e fundit që media u tërbua. Ata thjesht u çmendën dhe jam i sigurt se kjo pati një efekt; do të kishte një efekt mbi këdo, me të vërtetë. Por unë imagjinoj se ata mund ta përballojnë më shumë tani.”

Ndërsa aktori dhe babai i tij nuk janë të afërt, Timothy tregoi se së fundmi pa tre fëmijët e Benit, Violet, 16, Seraphina, 13 dhe Samuel, 10, të cilët i ndan me ish-bashkëshorten Jennifer Garner.

“Nuk kam qenë në kontakt [me Ben] kohët e fundit, por ne shkruajmë periodikisht, kështu që është në rregull. I pashë nipërit e mi para disa muajsh,” tha ai.