Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Barack Obama tregon se si e shpëtoi martesën kur u larguan nga Shtëpia e Bardhë: Michelle ishte shumë e trishtuar

Politiko 24 Nëntor 2020, 17:02

Barack Obama tregon se si e shpëtoi martesën kur u larguan nga

“A Promised Land” (Një tokë e premtuar) është libri i ish-presidentit amerikan, Barck Obama, në të ciluin ai ka treguar ndër të tjera edhe se si të qenurit në "Shtëpinë e Bardhë" ka tensionuar martesën e tij me gruan, Michelle Obama.

Ndërsa në një intervistë për "People", Barack Obama ka treguar për stresin në të cilin ishte Michelle Obama dhe se si ata e rregulluan lidhjen e tyre pas daljes nga Shtëpia e Bardhë.

Obama ishte tepër i fokusuar tek punët e tij dhe kjo e kishte “ftohur” disi me familjen, siç ka treguar ish-presidenti në një intervistë për “People”.

“Gjatë kohës që ishim atje, Michelle ndjente një tension të madh. Presioni, stresi, nevoja për të rregulluar gjithçka, nevoja për të qenë “gati” në çdo moment. Ka patur raste kur mendoj se ajo ishte e irrituar, e trishtuar ose e zemëruar, por e dinte që kisha Afganistanin ose krizën financiare për t’u shqetësuar, kështu që nuk më tregonte gjë.”

“Ishte sikur kishim mbajtur frymën për shumë kohë dhe më në fund, e lëshuam. U desh pak kohë që ajo të më tregonte se si ishte ndjerë, por ajo vendosi të fliste me mua dhe më në fund, ishte në gjendje të merrte frymë dhe të relaksohej. E dini fjalën e urtë: “Nëse mamaja është e lumtur, të gjithë janë të lumtur”. Kjo vlen shumë për familjen tonë. Tani që vajzat tona u rritën dhe ne nuk kemi më aq shumë shqetësime për to, unë dhe Michelle mund të qeshim dhe të kalojmë më shumë kohë me njëri-tjetrin.”

“Michelle besonte shumë në punën që bëja, por ajo ishte më skeptike në lidhje me politikën dhe më e kujdesshme për sakrificat ndaj familjes. Unë mendoj se ne kemi dalë të plotë prej atij vendi. Patëm gëzime të mëdha në Shtëpinë e Bardhë. Nuk ka patur kurrë një moment, kur nuk e kemi kuptuar se çfarë privilegji i jashtëzakonshëm ishte të ishim atje. Më e rëndësishmja, fëmijët tanë dolën të paprekur dhe ata janë të mrekullueshëm, të mirë, kreativë dhe mendojnë për të tjerët. Pra, të gjitha këto janë një lloj lehtësimi."

Të fundit