Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Beyonce nxit spekulimet e fansave për projekte të reja pasi fshiu fotot në rrjetet sociale

Politiko 10 Qershor 2022, 19:57

Beyonce nxit spekulimet e fansave për projekte të reja pasi fshiu

Beyonce ka nxitur spekulime se ajo mund të jetë gati të lëshojë muzikë të re pasi fshiu fotot e profilit të saj në rrjetet sociale.

Këngëtarja, 40 vjeçe, ishte në trend në Twitter të premten pasi fshiu fotot kryesore nga llogaritë e saj në Twitter, Instagram, Facebook dhe TikTok, duke i shtyrë fansat të mendojnë se ajo do të publikojë muzikë të re dhe do të sjellë projekte të reja, të cilat prej disa kohësh mungojnë nga mbretëresha e popit.

Beyonce nxit spekulimet e fansave për projekte të reja pasi fshiu

Ish-anëtarja e Destiny's Child ka publikuar më parë muzikë në mënyra befasuese dhe surprizë, kështu që nuk do ishte e papritur nëse do të vepronte sërish njejtë.

Publikimi i saj i fundit i albumit të plotë erdhi në vitin 2016 me Lemonade, i cili u shoqërua me një film 65-minutësh me të njëjtin titull dhe u rendit në vendin e parë në shumë vende të botës. Në vitin 2013, albumi i saj me titull u publikua në orët e para të mëngjesit pa asnjë paralajmërim.

Beyonce ka pasur sukses të jashtëzakonshëm, duke arritur tre albume numër një dhe pesë këngë numër një në MB. Këngëtarja, e cila është e martuar me reperin dhe biznesmenin Jay-Z që nga viti 2008, bëri histori vitin e kaluar kur u bë artistja femër më e dekoruar në çmimet Grammy.

Beyonce nxit spekulimet e fansave për projekte të reja pasi fshiu

Ajo fitoi katër çmime nga nëntë nominime, duke e bërë atë 28 gjatë karrierës së saj, që tejkalon 27 të këngëtares së bluegrass-country Alison Krauss. Beyonce dhe Jay-Z sollën në jetë vajzën e tyre Blue Ivy në janar 2012, dhe në qershor 2017 ajo lindi binjakët Rumi dhe Sir.

Disa fansa sugjeruan se njoftimi mund të lidhej me linjën e saj të modës Ivy Park dhe jo me muzikën e re.

Të fundit