Bien Facebook, Instagram dhe Whatsapp; reagojnë në të vetmin aplikacion që po funksionon (a.k.a Twitter)

Kompleti i aplikacioneve të Facebook Inc (FB.O), duke përfshirë platformën popullore të shpërndarjes së fotografive Instagram dhe aplikacionin e mesazheve WhatsApp,kanë rënë për miliona përdorues në të gjithë botën.

Reuters nuk mund të konfirmojë menjëherë çështjen që prek shërbimet. Sidoqoftë, mesazhi i gabimit në faqen në internet të Facebook sugjeroi një gabim të Sistemit të Emrave të Domainit (DNS).

DNS lejon adresat e ëebit të çojnë përdoruesit në destinacionet e tyre. Një ndërprerje e ngjashme në kompaninë cloud Akamai Technologies Inc (AKAM.O) hoqi shumë faqe në korrik.

Downdetector, i cili vetëm gjurmon ndërprerjet duke mbledhur raportet e statusit nga një sërë burimesh, duke përfshirë gabimet e paraqitura nga përdoruesit në platformën e tij, tregoi se kishte më shumë se 50,000 incidente të njerëzve që raportonin probleme me Facebook dhe Instagram. Ndërprerja mund të prekë një numër më të madh të përdoruesve.

Ndërkohë, platforma e mesazheve të çastit të gjigantit të mediave WhatsApp ishte gjithashtu në rënie për mbi 22,000 përdorues, ndërsa Messenger ishte për gati 3,000 përdorues.

WhatsApp ishte gjithashtu në trend në Tëitter Inc (TWTR.N), me më shumë se 850,000 tweets.

"Ne jemi të vetëdijshëm se disa njerëz po përjetojnë probleme me WhatsApp për momentin," - shkroi faqja zyrtare e WhatsApp në Twitter, teksa vijoi:

"Ne po punojmë për t'i kthyer gjërat në normalitet dhe do të dërgojmë një azhurnim këtu sa më shpejt të jetë e mundur."

Facebook po ashtu ka bërë një reagim ë pas, po në Twitter, ku shkruan:

"Ne jemi të vetëdijshëm se disa njerëz kanë probleme me qasjen në aplikacionet dhe produktet tona. Ne po punojmë që gjërat të kthehen në normale sa më shpejt të jetë e mundur, dhe kërkojmë ndjesë për çdo shqetësim."

Ndërkohë, Instagram përveçse ka reaguar, i është bashkuar dhe hashtagut që është trend në Twitter #instagramdown teksa shkruan:

"Instagram dhe miqtë po e kanë pak të vështirë tani, dhe ju mund të keni probleme me përdorimin e tyre. Duro me ne! #instagram down."

Reagimi i tre aplikacioneve ka ardhur në Twitter - siç ndodh në të shumtën e rasteve që sa herë nuk funksionojnë këto aplikacione, reagojnë në Twitter - i cili rrallë herë mund të ketë paraqitur probleme të kësaj natyre.

Ndërkohë në Twitter kanë shpërthyer memet duke e konsideruar "Twitter-in" si shpëtimtarin e përdoruesve të rrjeteve sociale:

* a.k.a - also known as (i njohur edhe si!)