Camila Cabello tregon sesi pandemia e ndihmoi atë të ndryshonte jetën e saj: Isha e djegur dhe e thyer

9 vite pune pa ndërprerje e ka lënë këngëtaren Camila Cabello "të djegur dhe të thyer" dhe Camila ka treguar se si pandemia e ndihmoi atë të ndryshonte jetën e saj.

Camila ka falenderuar po ashtu edhe të dashurin e saj, këngëtarin Shawn Mendes, duke thënë se ajo ka qenë në gjendje të mbështetet tek këngëtari në kohët e saj më të errëta.

Në intervistën e saj për "Page Six", Camila tha: “Para mbylljes unë isha djegur. Po jetoja me një ankth vërtet të lartë. Ishte shumë dhe nuk ishte e qëndrueshme. U ndjeva sikur po vrapoja me një këmbë të thyer, por nuk po dëgjoja vërtet se si ndihesha. Unë vazhdoja t’i thoja vetes se gjithçka ishte mirë. Duhet të ndihem mirë, duhet të ndihem mirë.

Ajo që duhej të bëja ishte të thosha: ‘Si ndihem në të vërtetë?’ dhe duke e lënë që kjo të jetë në rregull. Më duhej t’i jepja leje vetes për të kërkuar ndihmë, sepse kisha nevojë për ndihmë. Kisha nevojë për terapi."

Këngëtarja latine ka treguar se: “Pandemia më dha atë pauzë për të thënë, le të mos vazhdojmë të vrapojmë në këtë këmbë të thyer, le ta rregullojmë”.

“Në të kaluarën ka pasur shumë raste kur kam punuar, jo në shtëpi ose nuk kam pasur kohë për marrëdhënie, nuk kam pasur kohë të jem e shëndetshme dhe e lumtur, thjesht punoja pa pushim dhe nuk ndihesha mirë, por e bëja gjithsesi. Kjo është diçka që nuk do ta bëj më kurrë tani. Nëse do të ndihem përsëri në atë mënyrë, do të them, ‘Më falni, djema’”.

“Unë e di që tani duhet të kujdesem për veten time. Askush nuk do ta dijë kur kam arritur një kufi tjetër përveç meje, kështu që unë duhet të kujdesem për vete.”

Camila ka treguar për "Page Six" se suksesi erdhi me një çmim të lartë:

“Ankthi është diçka me të cilën kam luftuar që kur isha adoleshente dhe kështu kjo në të vërtetë ka qenë një kohë vërtet pozitive për mua. Tani kam mësuar shumë për ekuilibrin, për t’iu thënë jo gjërave sepse është më mirë për mua të kem atë orë terapi dhe të shoh miqtë e mi. Ka të bëjë me mos lejimin e vetes për të arritur në pikën ku jam djegur”.

“Vitin e kaluar kam pasur një terapist të ri, kam bërë shumë përparim dhe ndihem shumë më mirë. Unë kam punuar me një ritëm kaq intensiv që kur isha 15 vjeç."

Camila është në lidhje me Shawn Mendes që nga viti 2019 kur ata publikuan duetin “Senorita”.