Chrissy Teigen dhe John Legend komentojnë fotot që u përfolën aq shumë pas humbjes së djalit të tyre

Chrissy Teigen dhe John Legend kanë dalë për herë të parë në një intervistë bashkë që pas humbjes së djalit të tyre Jack, i cili nuk arriti dot të mbijetonte në barkun e mamasë së tij.

Në "Good Morning America" të martën, Teigen dhe Legend folën për mënyrën se si po përballen dhe se si kanë marrë forcë nga të tjerët duke ndarë historinë e tyre.

"Nuk e dija që mund ta përjetonim këtë dhimbje dhe gjithashtu ta ndanim, por kur e bëmë, kjo pati vërtet shumë rëndësi për kaq shumë njerëz. Dhe ishte një përvojë kaq e fuqishme për mua. Unë jam thjesht mirënjohës që gruaja ime ishte mjaft e guximshme për ta bërë këtë gjë Ajo ndiente se shkrepjet e atyre fotografive ishin një mënyrë që ta mbanim përgjithmonë kujtimin e Jack," tha Legend. "Isha si i shqetësuar. Mendoja që nuk më pëlqente ta përkujtoja këtë dhimbje. Por kur ndodh një abort spontan, ti ke këtë zbrazëtinë... dhe ne donim t’i bënim fotot, në mënyrë që të kishim diçka për ta kujtuar,"- është shprehur John Legend.

Këngëtari tha se kjo ngjarje e trishtë në jetën e tyre ka forcuar akoma më shumë lidhjen e tyre:

Unë thjesht e di që e dua gruan time, më shumë se kurrë. Ne kemi kaluar kaq shumë sfida së bashku dhe ato e kanë bërë lidhjen më të fortë dhe unë e di që jo gjithmonë ndodh kështu kur njerëzit kalojnë tragjedi."

E ndërsa Chrissy u shpreh: "Nuk më intereson nëse jeni ofenduar apo neveritur. E kuptoj që mund të ketë qenë kështu për njerëzit."

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm