Detaje tronditëse në seancën e radhës Depp-Heard: Kuzhinieri gjeti në kuzhinë majën e gishtit të aktorit

*Çfarë po ndodh në gjyqin Johnny Depp-Amber Heard (deri tani).

Sot, është dita e katërt e gjyqit të Johnny Depp dhe Amber Heard, e cila aktualisht po zhvillohet në Virginia dhe ka disa orë që ka filluar.

Doktor Kipper, mjeku privat i Depp, ishte i pari që dëshmoi, që e dha përmes Zoom. Dr Kipper është pyetur nëse ai ishte i shqetësuar për Depp në qershor të 2018-ës, dhe ai pohoi se po, me shqetësim të veçantë për Depp që mund të merrte drogë dhe medikamente që ai nuk duhej t`i merrte. Ai konfirmon se është ende duke punuar për Depp dhe i jepet një "tarifë mujore" për të vazhduar në punësimin e tij.

Dr Kipper, i cili gjithashtu kujdesej për Heard-in, thotë se nëse ajo do të kishte raportuar se ishte dhunuar nga Depp, ai do ta kishte shënuar në shënimet e tij. Ai thotë se ajo nuk ka denoncuar asnjë dhunë të aktorit. Në shënimet profesionale të Dr Kipper, ai shkruan se Heard është "veçanërisht e ndjeshëm ndaj sjelljeve të Depp". Ai shpjegon tani se çfarë do të thoshte kjo, duke thënë se duke qenë se ishte rritur në një familje me abuzim të substancave në vazhdim (prindërit e Heard ishin alkoolikë) ajo ishte në gjendje të njihte herët një sjellje të tillë dhe gjithashtu i ndjeu shumë fort efektet e saj.

Doktori tha po ashtu se ai as nuk ka parë dhe as dëgjuar të flitej për ndonjë dhunë midis Heard dhe Depp gjatë qëndrimit në ishullin tropikal në vitin 2014. Doktori tha  se ai e shihte Heard-in çdo ditë. Ai thotë se po të kishte pasur dhunë, do ta mbante mend.

Detaje tronditëse në seancën e radhës Depp-Heard: Kuzhinieri gjeti majën e gishtit të aktorit

Teksa seanca gjyqësore vijon, detaje të tjera tronditëse janë bërë me dije, konkretisht në një udhëtim në Australi, gjatë të cilit Depp plagosi gishtin. Kjo ndodhi në mars të 2015-ës dhe është quajtur një "situatë pengje treditore" në provat e dhëna në çështjen e mëparshme gjyqësore të Depp në Londër në 2020-ën.

Dr.Kipper përshkruan se si ai i dha Deppit trajtim urgjent jashtë shtëpisë së tij për një prerje të majës së gishtit. Ai thotë se më pas e ka çuar në urgjencë. Ai thotë se një kuzhinier më vonë gjeti majën e gishtit të Depp-it në zonën e kuzhinës.

Dr. Kipper thase kur ai hyri në ndërtesë ai pa Heard të cilin ai e përshkruan si "me siguri të mërzitur", por thotë se ajo nuk kishte ndonjë lëndim të dukshëm. Ai tha se ajo nuk dukej se kishte një hundë të thyer, një fytyrë të fryrë ose prerje në krahët apo këmbët e saj.

Xham i thyer dhe gjak
Dr. Kipper tha se ai pa gjak dhe xham të thyer në shtëpinë në Australi, por jo në mënyrë specifike "gjak rreth xhamit". Ai thotë se xhami i thyer ishte rreth zonës së kuzhinës, ku u zbulua maja e gishtit të Depp.

Pas dëshmisë së Doktorit, në seancë arritën dhe Johnny Depp dhe Amber Heard. Më pas, infermierja e Depp, Debbie Lloyd ka dëshmuar po përmes lidhjes Zoom.

Ajo shpjegoi se është një mjeke e shëndetit mendor psikiatrik dhe tha se është gjithashtu një infermiere e certifikuar për varësinë.

Debbie punonte me Dr. Kipper dhe se paguhej nga ai dhe se nuk ka marrë kurrë para në mënyrë të drejtpërdrejtë nga Johnny Depp. Infermierja tregoi ka marrë disa dhurata, duke përfshirë një kuti bizhuterish dhe "një bllok shënimesh të bukur". Ajo thotë se dhuratat ishin mënyra e Depp për të thënë "faleminderit" për kujdesin e saj.

'Një çmenduri e keqe'

Pasi infermierja personale e Depp shpjegoi gjatë për mënyrën e komunikimit, u lexuan shënimet që janë bërë kur ajo kujdesej për aktorin, gjatë seancës dëgjimore, janë rikthyer në shënimet e saj të 22 shtatorit të 2014-ës.

Infermierja dhe psikiatrja Debbie Lloyd përshkruan Johnny Depp duke i thënë asaj se e fejuara e tij - Heard - kishte pasur "një çmenduri të keqe". Ajo tregon se Depp ndihej i shqetësuar për Heard.

Në shënime ajo thotë se Depp i kishte gishtat e vrarë nga "pas goditjes që i kishte bërë një dërrase të bardhë".

Shënimet e saj thonë gjithashtu se gjatë asaj periudhe, ndërsa punonte për një set filmi, Depp "shqelmoi derën e trailerit të tij dhe refuzoi të fliste me regjisorin". Ajo thotë se ajo dhe Dr. Kipper morën pjesë në setin, por nuk kujton nëse shënimet ishin të bazuara në vëzhgimet e saj apo të raportuara nga Depp.

Shënimet vazhdojnë: "Pacienti ishte verbalisht agresiv ndaj një personi tjetër në shesh pa ndonjë arsye të dukshme."

Në një tekst të dërguar nga Depp për infermieren e tij Debbie Lloyd, ai përshkruan se ndihet i mërzitur për një festë të mbylljes së filmit në të cilën mori pjesë Heard dhe se është i shqetësuar se ajo qëndroi deri në orën 5 të mëngjesit. Ai vë në dyshim pse ajo donte të qëndronte atje kaq gjatë, dhe gjithashtu flet për "gënjeshtra" që ai beson se Heard i ka thënë.

Lloyd foli edhe për incidentin e gishtit dhe madje tha se edhe ajo kishte kërkuar për pjesën e prerë të gishtit në shtëpinë në Australi. Ajo tha nuk e pyeti Depp drejtpërdrejt se si e lëndoi gishtin e tij, por se kishte dëgjuar "histori të ndryshme" se si u bë. Ajo tregoi se një teori ishte se Depp kishte "përplasur [dorën e tij] në një telefon" dhe një tjetër ishte se Heard "i kishte hedhur një shishe vodka mbi të".

Skanimi MRI i trurit

Në shënimet mjekësore të shkruara nga ish-infermierja private e Depp, znj. Lloyd, ka përshkrimin e një "MRI të trurit" (një skanim i trurit të aktorit) që ishte për shkak se ai vuante "dhimbje koke kronike". Në shënime thuhet se Depp kishte marrë gjithashtu "rreth katër Xanex" pasi nuk kishte fjetur një natë më parë për shkak të "një grindjeje me gruan e tij".

Një shënim i ish-infermieres private të Depp flet për një moment kur Heard hyri në dhomën e Depp dhe "u përpoq të fillonte një debat me të". Shënimi i saj thotë se "pacienti ishte në gjendje të qëndronte i qetë dhe të fliste me të fejuarën e tij".

Kur u pyet nëse e shihte shpesh Heardin të përpiqej të fillonte debatet, ajo thotë se e bëri të paktën një herë, por nuk mund të japë numra specifikë. Kur u pyet për të përshkruar një incident specifik, ajo thotë një herë në apartamentin nën çati të çiftit në LA kur thotë se Heard "po qëndronte përpara ashensorit duke e ndaluar Depp të largohej".

Udhëtimi në Gjeorgji

Ish-infermierja e Depp-it, Debbie Lloyd, diskutoi mbi shwnimet që ajo shkroi gjatë një udhëtimi në Gjeorgji për të vizituar Heard-in në xhirime. Në atë kohë thuhet se Depp kërkoi një takim urgjent me një psikiatër, gjatë së cilës ai "pati një bisedë të hapur dhe të sinqertë" me një psikiatër për 15 minuta. Në bisedë, Depp thotë se ndjen se ishte në "një situatë pa fitore" me Heard. Përshkruhet një mbrëmje kur Depp dhe Heard do të dilnin për darkë, por Depp përshkruhet si "ndjehej i rraskapitur", por i shqetësuar për t'i thënë Heard-it se nuk dëshiron të shkojë në vakt nga frika se mos e mërzit.