Flash News

Arti në zi! Ndahet nga jeta aktori dhe regjisori i njohur Eduart Çala

Shembet masivi i mineralit në Klos, merr me vete një fadromë

Plagosja e 5 personave në Laç, gjendet arma e krimit

Vuçiç ndërpret vizitën në SHBA, shtrohet në spital në Serbi

Detaje/ Të shtënat me armë në Laç, emrat e 5 të plagosurve

POLITIKOFF

Dhunuan Klea Prengën, dalim pamjet e Antonela Berishës në Gjykatën e Tiranës

Politiko 17 Tetor 2024, 14:55

Dhunuan Klea Prengën, dalim pamjet e Antonela Berishës në

Sot mbahet seanca për rivlerësimin e masës së sigurisë ndaj motrave Antonela dhe Marinela Berisha. Antonela është parë në hollin e gjykatës së Tiranës, duke pritur nisjen e seancës.

Pas më shumë se dy muajsh në kërkim, motrat Berisha u vetëdorëzuan mbrëmjen e kaluar. Antonela ka marrë masën “detyrim paraqitje”, ndërsa Marinela është vendosur në “arrest me burg”.

Kujtojmë se incidenti brutal ndodhi më 6 gusht 2024, kur Klea Prenga u dhunua rëndë nga motrat Berisha gjatë një darke në kryeqytet. Ato e goditën atë me sende të forta dhe shishe qelqi, duke i shkaktuar dëmtime të konsiderueshme në fytyrë. Motra e Antonelës, Mariela, kishte pasur një ndarje të vështirë nga partneri, të cilin dyshonte se e kishte tradhtuar me Klea.

Pas vetëdorëzimit të motrave Berisha, Klea reagoi në rrjetet sociale, duke kërkuar drejtësi të plotë dhe dënimin e merituar për dhunën që ka përjetuar. Ajo theksoi se nuk do të ketë asnjë mundësi pajtimi, duke kërkuar një proces gjyqësor të drejtë dhe transparent.

“Pas dy muajsh nga sulmi brutal që më është bërë, personat përgjegjës janë vetëdorëzuar. Disa media kanë spekuluar për mundësinë e pajtimit mes nesh, por dua të jem shumë e qartë: nuk ka ndodhur dhe nuk do të ndodhë asnjë pajtim.

Kërkoj drejtësi të plotë dhe dënimin e merituar për pasojat e rënda fizike dhe psikologjike që më kanë shkaktuar.

Shpresoj që procesi gjyqësor të jetë i drejtë dhe transparent, duke më dhënë mua dhe familjes sime qetësinë që meriton çdo qytetar”, u shpreh Klea.

Të fundit