Flash News
Goro në burg, Blerina Balaj komandohet kryetare e Bashkisë Himarë
Video/ Tensione në mbledhjen e Këshillit Bashkiak të Himarës, qytetari pështyn në fytyrë Vangjel Tavon
Olsi, ashtu si Edi, qenka burrë p….
Nën hetim për trafik k*kaine, SPAK sekuestron pasuritë e Princ Dobroshit dhe Olsi Syziut
Atentat në Memaliaj, qëllohet me breshëri arme avokati
Dita "Rozë në punë" për vajzat dhe gratë me kancer gjiri: Gazetarë, mjekë dhe personazhe publike përkrahin kauzën
Sot është Dita "Rozë në punë" në kuadër të Tetorit Rozë - Muaji i Ndërgjegjësimit të Kancerit të Gjirit, një nismë e Europa Donna Albania.
23 Tetori është shpallur këtë vit nga Think Pink Europe (ku është bërë anëtare këtë vit dhe Shqipëria përmes organizatës Europa Donna Albania) si dita "Rozë në punë". Sot duhej të visheshin me rozë në punë, kush dëshiron të mbështesë kauzën kudo në Europë.
Shqipëria u bë për herë të parë pjesë e kësaj nisme dhe njerëz të ndryshëm, gazetarë e personazhe publike u bënë pjesë e "Rozë në punë".
Drejtori i "Politiko" dhe moderatori i "Politk On" në RTV Ora Alfred Lela është bërë pjesë e kësaj nisme duke postuar në profilin e tij zyrtar foton nga zyra e "Politiko" dhe duke vënë hashtagun #pinkatwork (Rozë në punë).
Dr. Silvana Celiku, e cila është Shefe Shërbimi dhe Përgjegjëse e Njësisë Gjinekologjike Onkologjike në Spitalin Onkologjik, QSUT, ka dhënë po ashtu një mesazh sensibilizues në kuadër të Muajit Ndërkombëtar të Kancerit të Gjirit për Europa Donna Albania në Ditën Rozë në Punë, duke bërë edhe njëherë thirrje që të mos nënvlerësohet asnjë shenjë.
Gazetarë të tjerë po ashtu i janë bashkuar kësaj kauze si Anxhela Celibashi, Fjona Çela, Enrik Braho e shumë të tjera. / Europa Donna Albania