Flash News

Shifrat/ Vlora, qarku me pjesëmarrjen më të ulët në votime

Erion Veliaj voton në ambientet e paraburgimit të Durrësit

KQZ nxjerr shifrat: Sa qytetarë kanë votuar deri në 14:00, si renditen qarqet

Komisionarët e opozitës denoncojnë: Patronazhisti Ilir Ruka kapet duke orientuar votuesit në qendrën e votimit

Incident në Pogradec/ Pas konfliktit në QV, komisionerit i rrahin gruan dhe djalin në shtëpi

Bota

E mbijetuara e sulmit të Hamasit, Yuval Raphael përfaqëson Izraelin në Eurovision

Politiko 23 Janar 2025, 18:31

E mbijetuara e sulmit të Hamasit, Yuval Raphael përfaqëson

Yuval Raphael, një mbijetuar e sulmit tragjik të 7 tetorit 2023, është zgjedhur për të përfaqësuar Izraelin në Eurovision 2025, që do të mbahet në Bazel, Zvicër.

24-vjeçarja ishte në festivalin muzikor Nova kur militantë të Hamasit sulmuan, duke vrarë 360 të rinj dhe duke marrë peng 40 të tjerë.

Raphael i shpëtoi masakrës duke u fshehur për tetë orë nën trupat e pajetë brenda një strehe për bomba.

Historia e saj prekëse u bë e njohur gjatë pjesëmarrjes së saj në spektaklin izraelit të talenteve HaKokhav HaBa (Ylli i Ardhshëm), ku ajo triumfoi dhe fitoi të drejtën për të përfaqësuar vendin e saj në Eurovision.

Deklaratat e Raphael pas fitores:
“Nuk mund ta shpjegoj sa e emocionuar dhe gati jam! Faleminderit që më bëtë këtë nder të madh dhe më besuat të përfaqësoj vendin tim në skenën e madhe të Eurovisionit në Zvicër,” u shpreh ajo mes emocionesh pas shpalljes së fitores.

Yuval, e cila ende përballet me pasojat fizike dhe emocionale të sulmit, thotë se muzika ka qenë një pjesë thelbësore e procesit të saj të shërimit. Në finalen e spektaklit muzikor, ajo interpretoi një version të këngës “Dancing Queen” nga ABBA, duke ia dedikuar atë “engjëjve” që humbën jetën në festivalin Nova.

“Muzika është një nga përbërësit më të fortë në procesin tim të shërimit,” deklaroi ajo. Raphael filloi të këndojë profesionalisht vetëm një vit më parë, por ka treguar aftësi të jashtëzakonshme në muzikë dhe forcë shpirtërore për t’i bërë ballë sfidave.

Përveç muzikës, Yuval është përfshirë në avokimin për Izraelin, duke ndarë përvojën e saj si mbijetuar e sulmit në forume ndërkombëtare, përfshirë edhe fjalime në Këshillin e të Drejtave të Njeriut të OKB-së. Ajo flet rrjedhshëm hebraisht, anglisht dhe frëngjisht, duke përfaqësuar zërin e atyre që u prekën nga tragjedia.

Të fundit