Eddie Jaku: I mbijetuari i Holokaustit dhe aktivisti i paqes ndërron jetë në moshën 101-vjeçare

Eddie Jaku, një i mbijetuar i Holokaustit i cili e përshkroi veten si "njeriu më i lumtur në tokë" ka ndërruar jetë në moshën 101 -vjeçare.

Gjatë Luftës së Dytë Botërore, ai u burgos në katër kampe përqendrimi, udhëhoqi një arratisje të guximshme në një tren, u çlirua nga një marshim vdekjeje dhe mbijetoi në një pyll.

Jaku i kushtoi pjesën tjetër të jetës së tij duke mbrojtur paqen dhe mirësinë.

"Unë nuk urrej askënd. Urrejtja është një sëmundje që mund të shkatërrojë armikun tuaj, por gjithashtu do t'ju shkatërrojë ju," - tha ai.

Vitin e kaluar, për të festuar 100 vjetorin e lindjes, Jaku publikoi kujtimet e tij.

Me titullin "Njeriu më i lumtur në Tokë", ai tregon historinë e tij të jashtëzakonshme të mbijetesës, duke gërshetuar në mesazhet e tij të tolerancës dhe faljes. Gjithashtu e bëri atë një nga autorët më të vjetër në botë.

"Unë kam jetuar për një shekull dhe e di se çfarë është të shikosh të keqen në fytyrë," shkroi ai.

"Kam parë më të keqen e njerëzimit, tmerret e kampeve të vdekjes, përpjekjet naziste për të shfarosur jetën time dhe jetën e të gjithë njerëzve. Por tani e konsideroj veten njeriun më të lumtur në tokë."

Jaku ndërroi jetë në një shtëpi të kujdesit në Sidnei; ai kishte jetuar në Australi që në vitin 1950. Ai ka lënë pas gruan e tij 75 vjeçare, Floren, djemtë e tyre Michael dhe Andre, katër nipër e mbesa dhe pesë stërnipër e mbesa.

Kryeministri australian Scott Morrison e përshkroi Jaku-n si "një frymëzim dhe një gëzim" i cili "zgjodhi ta bënte jetën e tij një dëshmi se si shpresa dhe dashuria mund të triumfojnë mbi dëshpërimin dhe urrejtjen".