Edith Harxhi tregon se si e njohu bashkëshortin turk: Ishte dashuri me shikim të parë

Guven Guneren dhe Edith Harxhi

Kandidatja për kryetare e PD, Edith Harxhi ka folur për familjen dhe njohjen me bashkëshortin turk, Guven Guneren. Harxhi tregoi te "E Diela Shqiptare" se ishin njohur në Skoci, ku të dy ndodheshin aty për studime.

Ajo shtoi se Guneren në fillim i ishte dukur si italian, ndërsa ai kishte menduar se Harxhi ishte angleze. Ata u takuan për herë të parë, teksa Guneren kishte shkuar të takonte një mikeshë që jetonte me Harxhin.

Kjo e fundit tha se ishet dashuri me shikim të parë dhe se ishte vetë Harxhi që e kishte hedhur hapin e parë për konsolidimin e kësaj mardhënieje. Harxhi u shpreh se bashkëjetesa kishte nisur disa muaj pas lidhjes, ndërsa martesa u kurorëzua në gushtë të vitit 1997.

Sa i përket se si e priti familja e saj këtë lajm, Harxhi tregon se pavarësisht pikëpyetjeve të fillimit, ata kanë qenë dakord për zgjedhjen e saj. Guneren theksoi se ajo që i pëlqeu te Harxhi ishte mirësia, por edhe ngjashmëria e kulturës mes dy vendeve.

Ardit Gjebrea: Si u njohët ju të dy?

Edith Harxhi: Unë isha studente në Bachelor dhe Master në atë kohë, ishte viti i dytë që bëja studimet dhe u caktova në një konvikt që ishe për studentë që ishin studentë të rritur. Aty pashë Gyvenin, në fillim fare mu duk italian. Një ditë Gyveni erdhi në apartamentin tonë të vajzave për të takuar një mikeshë të tijën dhe unë hapa derën dhe ai më foli turqisht.

Ardit Gjebrea: Pse i fole turqisht Edithit, mendove se ishte turke?

Gyven: Jo, mendova që ishte angleze.

Ardit Gjebrea: U zhgënjeve pak se prisje italianin?

Edith Harxhi: Jo nuk u zhgënjeva, por mendova që ishte ndryshe nga ç’e parashikova, nuk e dija se si do ishte e ardhmja me një turk sepse që në momentin e parë mendova që do kishte një të ardhme me mua.

Ardit Gjebrea: Ty Gyven çfarë të pëlqeu tek Edithi?

Gyven: Gjithçka, kemi kulturë të afërt dhe është njeri i mirë.

Ardit Gjebrea: Kush e hodhi hapin i pari?

Edith Harxhi: Unë isha e para sepse ishte dashuri me shikim të parë, isha e bindur në atë që do ndërmerrja më tej, që do më vinte në tej dhe i thashë Gyvenit pse mos dalim?

Ardit Gjebrea: Disa muaj më vonë ju bashkëjetuat, pas sa muajsh?

Edith Harxhi: Afërsisht pas 8-9 muajsh.

Ardit Gjebrea: Si ishte bashkëjetesa?

Edith Harxhi: Ishte shumë e lehtë për ne të dy sepse kishim arritur në atë moment që donim të qëndronim bashkë. Duke qenë se ishim larg, unë e kisha më të lehtë për mos t’ja hapur prindërve sepse ishte shumë larg, ishte Skoci, kështu për një kohë prindërit e mi nuk e morën vesh që ishim duke bashkëjetuar, plus që edhe patën një lloj reagimi, po pse ky vendim, ku e ke gjetur këtë djalë, ndoshta ime më mendonte që unë do martohesha me ndonjë anglez, skocez në atë kohë, por më pas edhe ata u bindën.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm