Flash News

Përplasen 4 makina në Fier, dy persona të lënduar

Mbante armë në banesë! Arrestohet një person në Maliq

BIRN: Kuvendi rinis punën duke i hequr fjalën opozitës

Kontrolle në burgun e Durrësit, kapen 10 celularë, i përdornin të dënuarit

Parlamenti i ri/ 82 deputetët që do të mungojnë nga shtatori

POLITIKOFF

Ekspertja e gjuhës së trupit zbërthen shtytjen e së shoqes ndaj Macron

Politiko 28 Maj 2025, 13:30

Ekspertja e gjuhës së trupit zbërthen shtytjen e së shoqes

Brigitte Macron nuk po luante kur e shtyu nga fytyra bashkëshortin e saj, presidentin Emmanuel Macron, edhe pse ai po përpiqej të na bindte se ishte thjesht një shaka.

Judi James, eksperte e gjuhës së trupit, analizoi momentin e tensionuar që u bë viral dhe tha për Daily Mail se kjo nuk kishte asnjë lloj “shakaje” në të.

"Nuk pashë asnjë qeshje të përbashkët, buzëqeshje apo ndonjë shaka pas asaj shtytjeje," tha ajo. "Përkundrazi, Macron dukej i hutuar dhe preku fytyrën e tij, si për të kontrolluar nëse ishte mirë."

Ekspertja theksoi se mënyra sesi Brigitte e shtyu Macronin ishte “shumë e fortë dhe tronditëse” - aq sa ai u përpoq të mbante ekuilibrin dhe dukej sikur mori edhe një shtytje të dytë në fund.

“Kjo nuk duhet të normalizohet si ‘lojë’ vetëm për t’i shpëtuar imazhin politik,” shtoi ajo.

Pas incidentit, çiftit nuk iu pa asnjë kontakt fizik dhe ata ecën pranë njëri-tjetrit pa u prekur. Macron u përpoq të qetësonte situatën duke thënë se media po e bënte “një katastrofë gjeo-planetare” dhe se ata “po luanin” para nisjes së një vizite zyrtare.

Por ekspertja e gjuhës së trupit i fton të gjithë të reflektojnë:

“Nëse do të kishte ndodhur e kundërta dhe do ta kishte shtyrë ai atë, a do e quanim këtë ‘lojë’? Jo. Pra, nuk duhet të quhet kështu as kur vjen nga gruaja.”

Kjo ngjarje e papritur që u regjistrua në momentin kur çifti Macron zbarkuan në Hanoi për vizitën e tyre zyrtare, hedh dritë mbi kompleksitetin e marrëdhënieve të çiftit dhe tregon se prapaskenat e tyre nuk janë gjithmonë aq të qeta sa na duken në publik.

Të fundit