Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Elon Musk blen Twitter-in dhe fillon menjëherë me pushimet nga puna

Politiko 28 Tetor 2022, 17:16

Elon Musk blen Twitter-in dhe fillon menjëherë me pushimet nga puna

Elon Musk ka marrë pronësinë e Twitter dhe ka nisur menjëherë me shkarkimet e drejtuesve kryesorë.

"Zogu është liruar," shkroi ai në Twitter pasi përfundoi blerjen e platformës prej 44 miliardë dollarësh, duke iu referuar logos së zogut të Twitter-it dhe duke shprehur kështu dëshirën e tij që kompania të ketë më pak kufizime në përmbajtjen që mund të postohet.

Musk është vetë-përshkruar si absolutist i fjalës së lirë, megjithatë, ka thënë gjithashtu se dëshiron të parandalojë që platforma të bëhet një dhomë jehone për urrejtje dhe ndarje. Qëllime të tjera të tij përfshijnë dëshirën për të "mposhtur" spam bots në Twitter dhe për t'i bërë të disponueshme publikisht algoritmet që përcaktojnë se si përmbajtja u paraqitet përdoruesve të saj.

Megjithatë, Musk nuk ka ofruar detaje se si do t'i arrijë të gjitha këto dhe kush do ta drejtojë kompaninë. Ai ka thënë se planifikon të shkurtojë vendet e punës, duke i lënë 7500 punonjësit e Twitter të shqetësuar për të ardhmen e tyre. Ai gjithashtu tha të enjten se nuk e bleu Twitter-in për të fituar më shumë para, por "për të provuar të ndihmojë njerëzimin".

Elon Musk blen Twitter-in dhe fillon menjëherë me pushimet nga puna

Musk shkarkoi shefin ekzekutiv të Twitter, Parag Agrawal, shefin financiar Ned Segal dhe shefen e çështjeve ligjore dhe politikave, Vijaya Gadde. Ai i kishte akuzuar ata se e kishin mashtruar atë dhe investitorët e Twitter-it për numrin e llogarive të rreme në platformë. Agrawal dhe Segal ishin në selinë e Twitter në San Francisko kur marrëveshja u mbyll dhe u shoqëruan jashtë, shtuan burimet.

Musk gjithashtu u përpoq të qetësonte frikën e punonjësve për pushime të mëdha nga puna dhe siguroi reklamuesit se kritikat e tij në të kaluarën ndaj rregullave të moderimit të përmbajtjes së Twitter nuk do t'i dëmtonin.

Të fundit