Flash News

Etel Haxhiaj sfidon policinë amerikane gjatë arrestimit të një emigranti, akuzohet për sulm

Vetëvritet me armën e shërbimit punonjësi i gardës

Sot Kuvendi mblidhet në seancë plenare, çfarë pritet të diskutohet/ Axhenda

Posta e mëngjesit/ Me 2 rreshta: Çfarë pati rëndësi dje në Shqipëri

Ersekë/ I moshuari goditet nga rrufeja, ndërron jetë në vend

POLITIKOFF

Elvis Pupa thyen heshtjen pas akuzave për kanabis në Australi: Perfeksionizmi është helm emocional

Politiko 3 Qershor 2025, 15:25

Elvis Pupa thyen heshtjen pas akuzave për kanabis në Australi:

Aktori dhe humoristi i njohur shqiptar, Elvis Pupa, ka reaguar për herë të parë pas lajmit që bëri bujë ditë më parë, ku ai u përball me akuza për kultivim kanabisi nga autoritetet australiane. Ndonëse zgjodhi të mos komentojë drejtpërdrejt mbi çështjen ligjore, përmes një videoje të publikuar në Instagram, ish-banori i “Big Brother VIP Albania” ka ndarë një reflektim të thellë mbi rritjen nën pritshmëri të larta dhe presionin për të qenë “perfekt”.

Në fjalën e tij, Pupa rrëfen me tone emocionale përvojën e fëmijërisë së tij në vitet ’80, kur, siç thotë ai, nuk kishte hapësirë për gabime dhe ku çdo devijim nga “normalja” shoqërohej me turp dhe ndëshkim social e familjar.

“Gjithmonë na thonin: ‘Mos fol, ha çfarë të kemi vendosur ne përpara’. Atëherë s’kishe shanse të gaboheshe, se po gabove, ishe turpi i fisit dhe lagjes”, rrëfen aktori, duke shtuar se edukimi i brezit të tij u bazua në perfeksionizëm ekstrem, që sot e konsideron një “helm emocional”.

Ai thekson se ky perfeksionizëm nuk është sukses dhe as ambicie, por një zë i brendshëm që nuk të lejon të ndihesh mjaftueshëm, pavarësisht përpjekjeve.

“Perfeksionizmi nuk është virtyt. Është një helm emocional, po me emër trendi. Nuk është ambicie vëlla. Nuk është sukses, por një zë brenda kokës që të thotë gjithmonë: ‘Ti nuk je duke bërë akoma mjaftueshëm’, pavarësisht se ti ke dhënë gjithçka, edhe shpirtin”, shprehet ai.

Në fund të mesazhit të tij, Pupa e bën të qartë se kjo dalje publike nuk ka për qëllim justifikimin apo kërkimin e miratimit publik: “Nuk e them këtë për miratim, as nuk më intereson mendimi juaj, sepse jeta ime personale është personale. Nuk më keni borxh asgjë e as unë ju. Aspak.”

Me këtë video, Elvis Pupa duket se ka zgjedhur të flasë më shumë për barrën emocionale të të qenit personazh publik dhe më pak për çështjen ligjore me të cilën po përballet aktualisht në Australi.

 
 
 
 
 
View this post on Instagram
 
 
 
 
 
 
 
 
 
 
 

A post shared by Elvis Pupa (@elvispupa)

Të fundit