Flash News

Kërcënohet me jetë Presidentja e Kosovës, Vjosa Osmani

Rekurs në Gjykatën e Lartë / Veliaj kërkon ndryshimin e masës "arrest me burg"

U diagnostikua me kancer, Biden thyen heshtjen

Dosja “Partizani”, GJKKO kalon për gjykim Berishën dhe Malltezin

Policia e Shkodrës asgjëson mbi 1,500 bimë narkotike

POLITIKOFF

Ema Andrea: Martesa nuk është për mua, jam e dashuruar me profesionin

Politiko 19 Prill 2025, 16:39

Ema Andrea: Martesa nuk është për mua, jam e dashuruar me

Aktorja e njohur Ema Andrea ka ndarë një pjesë të jetës së saj personale në një intervistë të veçantë gjatë spektaklit “Piter Pan” në Tv Klan, ku u përball me pyetjet e sinqerta dhe spontane të gazetarëve të vegjël.

Ema tregoi me shumë natyrshmëri për pasionin që ndjen ndaj skenës dhe aktrimit, por edhe për mënyrën se si e përjeton jetën personale jashtë vëmendjes së publikut. Një pyetje e vogëlushes Ajla, e cila e pyeti nëse është martuar ndonjëherë, nxori në pah një qëndrim të sinqertë nga aktorja.

“Po, u martova edhe unë. Të gjithë bëjmë disa ‘gabime’ në jetë, edhe unë e bëra timen,” u shpreh Andrea me humor, duke shtuar se martesa nuk është për të dhe se sot ndihet e përmbushur nga dashuria për profesionin.

“Jam e martuar me profesionin tim, që e dua me gjithë shpirt. Mund të jetoj e pamartuar, por e dashuruar gjithë jetën,” tha ajo mes buzëqeshjesh, duke bërë që publiku ta duartrokasë për sinqeritetin dhe natyrshmërinë.

Deklaratat e saj kanë tërhequr vëmendjen e publikut dhe janë komentuar gjerësisht në rrjete sociale, si një shembull i një gruaje të pavarur që ka zgjedhur të jetojë sipas ritmit dhe bindjeve të saj.

Të fundit