Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Ermal Meta në konferencën para koncertit: Jam mirënjohës që linda në këtë vend, do kisha pasur fate të tjera

Politiko 16 Shtator 2021, 17:06

Ermal Meta në konferencën para koncertit: Jam mirënjohës

Nesër, në stadiumin "Air Albania" do të japë koncertin e tij këngëtari shqiptar Ermal Meta. Ky koncert është ofruar falas për shqiptarët dhe si gjithmonë, Meta ka shprehur gjithë kënaqësinë për të performuar para publikut shqiptar dhe në vendin e origjinës së tij.

Kjo është hera e parë që Ermal Meta jep një koncert në stadium dhe ai ka treguar hapur se sa i emocionuar është dhe se këto emocione janë ndryshe sa herë performon në Shqipëri edhe pse kjo do të jetë hera e tij e tretë që jep një koncert për publikun shqiptar, në Shqipëri.

"Kam bërë shumë koncerte në jetën time, por sa herë vi këtu më duket herë e parë , më duket vetja si debutant, sikur s`kam bërë ndonjëherë koncert. Të them të drejtën që sot po dridhem, imagjino nesër. Nesër do mundohem të bëj koncertin më të mirë që kam bërë ndonjëherë në jetën time. Do të jetë koncerti i parë që do bëj para turit që do nis në Itali e do e filloj që këtu. Është hera e parë për mua  që bëj një koncert në një stadium dhe gjithë atë energji që do kem do e shkrij në skenë,"- tha Meta në konferencën për shtyp.

Ermal Meta në konferencën para koncertit: Jam mirënjohës

Ermal Meta u shpreh gjithashtu se është shumë krenar që ka lindur në Shqipëri sepse po të kishte lindur në një vend tjetër, ai do të kishte fate të tjera.

"Është një moment i veçantë. Jam 30 vjet lidhje mes dy shteteve, mes dy popujsh. Dhe e ndjej veten njëfarë "ure" mes këtyre dy kulturave. Para 30 vitesh ndodhi diçka shumë e rëndësishme. Eksordi qe vetëm një pasojë. Mendoj që populli shqiptar në vitet `90-`91 në pamundësinë që të kishte një hapje drejt të ardhmes dhe ta kishte mundësinë ta pikturonte, ta realizonte të ardhmen e vet. Gjëja më e rëndësishme që mund të ketë një person është liria të imagjinoje të ardhmen e vet. Dhe këtë mundësi e pata dhe unë dhe i jam shumë mirënjohës Zotit, fatit dhe faktit që kam lindur në këtë vend. Sepse po mos të kisha lindur në këtë vend, do kisha pasur shumë fate të tjera por jo fatin të kuptoja dhe të shikoja çdo gjë nga poshtë lart. Sepse kur je poshtë e vetmja gjë që mund të bësh është të ngritësh dhe të shkosh lart."

Ermal Meta në konferencën para koncertit: Jam mirënjohës

Të fundit