Flash News

Aksident në aksin Lezhë-Shëngjin, një i plagosur

Ndezi zjarr në mënyrë të përsëritur, arrestohet "piromani" në Vlorë (EMRI)

Përplasen tre makina në Tiranë, njëra prej tyre përfshihet nga flakët

Abuzoi me vajzën e tij të mitur, ky është 36-vjeçari i vënë në pranga në Fier

E rëndë në Fier! Babai abuzon se*sualisht me vajzën e tij të mitur

POLITIKOFF

Eurovizion 2025/ Televizioni spanjoll shpërthen ndaj sistemit të votimit: Izraeli dhe Ukraina të favorizuara nga luftërat

Politiko 19 Maj 2025, 18:36

Eurovizion 2025/ Televizioni spanjoll shpërthen ndaj sistemit të

Polemikat pas përfundimit të Eurovizionit 2025 nuk po ndalen. Transmetuesi publik spanjoll RTVE ka njoftuar se do t’i kërkojë zyrtarisht Unionit Evropian të Transmetimeve (EBU) të shqyrtojë sistemin e televotimit dhe të kryejë një auditim të plotë mbi mënyrën se si u votua nga publiku.

Reagimi vjen pasi Izraeli, i cili mori vetëm 60 pikë nga juria profesionale, fitoi votën e publikut dhe u rendit në vendin e dytë, ndërsa përfaqësuesja e Spanjës, Melody, përfundoi e parafundit në klasifikim. RTVE dyshon se rezultatet janë ndikuar nga situata e luftës, duke vënë në pikëpyetje paanësinë dhe karakterin kulturor të garës.

Sipas RTVE, si Izraeli ashtu edhe Ukraina fituan televotimin gjatë gjysmëfinaleve, pavarësisht performancës muzikore, çka ngre dyshime se faktorë të jashtëm po ndikojnë në rezultatin final.

“Paqe dhe drejtësi për Palestinën”
Ky qëndrim vjen pas një mesazhi të fortë të shpërndarë nga RTVE gjatë finales së madhe, ku prezantuesit spanjollë shprehën publikisht mbështetje për Palestinën. “Paqe dhe drejtësi për Palestinën” ishte mesazhi që RTVE transmetoi, gjë që solli paralajmërime për sanksione nga EBU për përfshirje politike në një ngjarje artistike.

Sipas mediave spanjolle, edhe vende të tjera europiane pritet t’i bashkohen kësaj kërkese për rishikimin e sistemit të votimit, ndërsa diskutimi mbi neutralitetin e Eurovizionit dhe ndikimin e konteksteve politike në rezultatet finale, duket se sapo ka nisur.

Fitues i këtij edicioni u shpall Austria me këngëtarin JJ dhe këngën “Wasted Love”.

Të fundit