Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Facebook shton informacione të besueshme për vaksinat e COVID-19

Politiko 17 Mars 2021, 15:25

Facebook shton informacione të besueshme për vaksinat e COVID-19

Themeluesi i Facebook-ut Mark Zuckerberg tha se kompania e mediave sociale do t’i etiketojë si "informacione të besueshme" njoftimet në lidhje me vaksinat e COVID-19 që ajo beson se janë të tilla.

Kompania do të shtojë etiketimin në postimet e lidhura me vaksinat, të cilat do të përmbajnë "informacion të besueshëm" nga Organizata Botërore e Shëndetësisë (OBSH), tha Zuckerberg, në një postim në blog. OBSH-ja është kritikuar gjerësisht për përgjigjen e saj ndaj pandemisë.

"Ne po shtojmë një etiketim në postimet që diskutojnë mbi sigurinë e vaksinave ndaj COVID-19 që thekson se vaksinat për COVID-19 kalojnë nëpër prova të sigurisë dhe efektivitetit përpara se të miratohen për përdorim",- tha Mark Zuckerberg.

Facebook-u është kritikuar për mosveprim ndaj postimeve që disa i quajnë keqinformuese në lidhje me vaksinat.

Kompania tha se, po ashtu, do t’u japë përdoruesve informacione se ku të vaksinohen.

Në njoftime të tjera për COVID-19, Italia po rivendos kufizime të reja në tre të katërtat e vendit, për shkak të shqetësimeve nga varianti britanik i virusit.

Në Karolinën e Veriut, universiteti “Duke” ka bllokuar të gjithë studentët e tij për një javë duke përmendur shqetësimet për virusin.

"Ky veprim është i nevojshëm për të përmbajtur nën kontroll përhapjen e infeksioneve që po rriten me shpejtësi mes studentëve”,- tha universiteti në një deklaratë të shtunën.

Tajlanda, e cila e kishte pezulluar përdorimin e AstraZeneca-s, njoftoi se do ta rifillojë vaksinimin të martën, me kryeministrin dhe kabinetin që do të vaksinohen të parët./Revista Class

 

Të fundit