Çfarë duhet të konsumojmë në verë për të qëndruar të hidratuar?

Temperaturat e larta na dehidratojnë duke rritur nevojën për ujë dhe lëngje të tjera. Duhet të jemi të kujdesshëm të mos lejojmë veten të arrijmë deri në etje.

Ka shumë rëndësi që të mos përjashtojmë nga dieta jonë konsumin e lëngjeve. Por, ka disa ushqime që na mbajnë të hidratuar gjatë verës.

Uji

Përpiquni të pini të paktën 2 litra ujë në ditë. Uji duhet pirë në varësi të peshës trupore thonë ekspertët. Nëse njeriu peshon 60 kg, duhet të pijë 2 litra ujë në ditë.

Pijet energjike

Shmangni pijet energjike të cilat janë të pasura me sheqer dhe kafeinë. Këto pije rrisin rrezikun e komplikacioneve kardiake, dridhjeve, nervozizmit, ishemisë, marramendjes e të tjerë.

Fruta dhe perime

Frutat dhe perimet përmbajnë shumë ujë, ndaj ngrënia e tyre siguron që organizmi të jetë i hidratuar. Nëse planifikoni të qëndroni më shumë në diell, sigurohuni që të merrni me vete shumë fruta dhe perime.

Mos pini ujë vetëm kur jeni të etur

Dehidratimi ndodh shumë shpejt në verë. Kjo është arsyeja përse nuk duhet të prisni etjen që të pini ujë. Konsumoni ujë rregullisht gjatë ditës.

Shishe me vete

Blini një shishe me shumë përdorime kryesisht inoksi për të parandaluar ndotjen nga plastika. Mbajeni atë gjithmonë të mbushur me ujë.