Fitoi 'Dancing with the Stars 2006', performancat e Zelensky-t bëhen virale në rrjet

Presidenti ukrainas Volodymyr Zelensky fitoi 'Dancing ëith the Stars' në vitin 2006.

Nga komediani dhe aktori tek udhëheqja e vendit të tij në luftën më të madhe të Evropës që nga Lufta e Dytë Botërore, talentet e Zelenskit qartazi nuk njohin kufij.

Përveç karrierës së tij politike dhe lidershipit, presidenti ukrainas Volodymyr Zelensky po merr lëvdata nga shumë në mediat sociale për të kaluarën e tij argëtuese. Presidenti ukrainas Volodymyr Zelensky ka një tjetër arritje [në art] të cilën jo shumë njerëz e dinë dhe kjo është fitorja e tij në vitin 2006 të shfaqjes së mirënjohur "Dancing with the Stars" në Ukrainë.

Një video përmbledhëse e disa prej performancave të tij nga gara disa javore, janë bërë virale në Internet. Në këto video, shihet presidenti Zelensky duke vënë në skenë një performancë mbresëlënëse të paso doble me partneren e tij të kërcimit Olena Shoptenko.

Dyshja futen në një këngë klasike duke dhënë atmosferë të ngjashme me këngën Blue Suede Shoes të Elvis Presley dhe këngën Pink Panther - kjo është një nga performancat por në videon përmbledhëse mund të shihni disa prej tyre.

Përpara se të zgjidhej President në vitin 2019, Zelensky luajti në shfaqjen e famshme satirike që rrotullohej rreth një mësuesi historie, i cili rastësisht bëhet lider i një vendi. Babai i dy fëmijëve luajti gjithashtu zërin e 'Paddington Bear' në 2014 për versionin ukrainas të filmit.

Presidenti Zelensky për momentin është një prej njerëzve më të përfolur në gjithë botën. Ai është kthyer në "motorin" e frymëzimit dhe të rezistencës së pari për ukrainasit të cilët janë të kërcënuar prej 5 ditësh nën sulmet ruse.

Babai i dy fëmijëve ka marrë mbështetje nga e gjithë bota për besnikërinë, forcën dhe guximin e tij, të shfaqur para botës pavarësisht kërcënimeve për jetën e tij dhe të familjes së tij në mes të pushtimit të paligjshëm të Ukrainës nga Rusia. Me shumë njerëz që e njohin tashmë atë si një hero, video e përpilimit tani ka treguar një anë krejtësisht të ndryshme, por po aq të njohur të tij, duke treguar se sa natyral është ai në një pistë vallëzimi dhe para kamerave.