Fjalët e fundit që tha Avicii para se t`i jepte fund jetës në moshën 28-vjeçare

DJ suedez Avicii vrau veten më 20 prill 2018, duke lënë pas një hidhërim të madh për njerëzit e afërt dhe fansat.

Regjistrimet e tij të fundit në ditar, të shkruara para vetëvrasjes së tij, do të botohen në librin e ardhshëm të Måns Mosesson, "Tim - Biografia Zyrtare e Avicii-t". Libri do të publikohet më 18 janar dhe do të detajojë shëndetin mendor të tij dhe problemet e abuzimit me substancat.

Avicii, emri i të cilit ishte Tim Bergling, vdiq në Muscat, Oman, kur ishte 28 vjeç. Ai përdori një shishe qelqi për të kryer vetëvrasjen.

Autori zhvilloi biseda me prindërit e tij, Anki dhe Klas Bergling, si dhe me familjen, miqtë dhe kolegët për jetën dhe karrierën e tij. Regjistrimet janë nga rehabilitimi i tij dhe qëndrimet në spital për abuzim me drogën dhe alkoolin.

"E kisha të vështirë të pranoja të mos pija më kurrë, megjithëse m’u sugjerua fuqishëm nga të gjithë mjekët që të prisja të paktën një vit para se të pija një birrë." shkroi këngëtari në ditarin e tij. “Sigurisht, nuk dëgjova shumicën e mjekëve, dëgjova ata që thanë se ishte mirë nëse do të isha i kujdesshëm. Unë isha injorant dhe naiv dhe bëja një xhiro nëpër botë, ende në një turne të pafund – sepse pasi ta keni bërë një herë, merreni me mend çfarë? Ju filloni përsëri nga e para. Ato ditë në spital ishin ditët më pa ankth dhe pa stres që mund të kujtoj 6 vitet e fundit, ato ishin pushimet e mia të vërteta, sado dëshpëruese që mund të duken.”

Avicii kaloi kohë në qendrën e rehabilitimit Ibiza Calm në vitin 2015 pas një ndërhyrjeje nga familja e tij. Ndërsa ishte atje, ai shkroi për dhimbjen e tij.

“Duhej të më shpjegohej në mënyrë shumë logjike dhe troç, që të kuptoja vërtet natyrën e saj dhe se si po më dëmtonte. Oh, dhimbje. Pse kam dhimbje tani? Ndjenjë e pakëndshme. Tim i së ardhmes përballet me dhimbjen. Timi i së ardhmes përballet me dhimbjen më mirë sesa Timi i tanishëm, sepse tashmë ka shumë dhimbje aktuale më urgjente për t'u trajtuar.”

Ai filloi të përdorte teknikat e mjekimit në mësimet e Maharishi Mahesh Yogi. Yogi ishte një udhëheqës fetar Indian, i cili u përqendrua në përpjekjen për të arritur gjendjen më të thellë të vetëdijes në vetvete. Muzikanti i "Wake Me Up" meditonte për orë të tëra, pavarësisht se koha e rekomanduar ishte vetëm 20 minuta në ditë.

Për ndriçimin e tij të ri, ai shkroi në ditarin e tij:

“Ndihem sikur jam në një mënyrë të re të paracaktuar të qenies, e cila është diçka e re dhe paksa e frikshme. Më dukej sikur frika e dy ditëve të fundit më bëri kërdinë, por mbaj mend këshillën për t'u fokusuar në frymëmarrjen time."

Vetëm një ditë para vdekjes së tij, një i njohur i Avicii-t, që e kishte takuar në në Oman, kontaktoi babanë e DJ-t sepse ishte i shqetësuar për meditimet e tij. Miku i shpjegoi të atit se ai nuk po hante apo fliste. Ky person më vonë thirri babanë e Aviciit për ta informuar për vetëvrasjen e djalit të tij.

Mesazhi i fundit në ditarin e Avicii-t ishte:

"Derdhja e shpirtit është lidhja e fundit, përpara se të rifillojë!"

Burimi: New York Post