POLITIKOFF

Gazetari i “Wiwiblogs” tregon bisedën me Ronelën pas gjysmëfinales së “Eurovision”-it

Gazetari i “Wiwiblogs” tregon bisedën me Ronelën pas

Pavarësisht se ishte një ndër performancat më të pëlqyera, kënga e saj ishte ndër më të klikuarat dhe në sondazhe konsiderohej si një prej favoriteve në "Eurovizion 2022", Ronela nuk u kualifikua në finalen e festivalit europian të muzikës.

Në natën e parë ishin në garë 17 shtete për një vend në finalen e madhe, ndër to dhe Shqipëria. Shtetet kualifikuese u shpallën në mënyrë të rastësishme. Organizatorët nuk do të zbulojnë ndarjen e saktë të pikëve deri pas finales së madhe

“Eurovision”-i dhe performanca e përfaqësueses së Shqipërisë u komentua ditën e sotme në emisionin “Shqipëria Live”në Top Channel. Në lidhje “Skype” ishte kryeredaktori i “Wiwiblogs” - faqja mw e madhe e pavarur e Eurovizion, William Lee Adams.

Moderatorët e pyetën William se pse nuk shkoi Ronela Hajati në finale?

“Nuk e dimë derisa të shohim rezultatet të shtunën. Por tani është e vështirë të themi. Rezultatet e jurisë jepen pas finales së madhe. Ka patur 200 gazetarë, brohoritma shumë dhe është pëlqyer performanca e Ronelës. Juria do të zbulojë votat pas finales së madhe”, tha Lee Adams.

Ndërsa i pyetur nëse ka komunikuar me këngëtaren shqiptare, gazetari u shpreh se “po”.

“Kam biseduar përmes ‘WhatsApp’ pas rezultateve për në finale. Më nisi një foto dhe duket se është pak e lënduar. Por ka fituar shumë fansa nga e gjithë Europa”, përfundoi ai.

Të fundit