Flash News

Kontrolle në burgun e Durrësit, kapen 10 celularë, i përdornin të dënuarit

Parlamenti i ri/ 82 deputetët që do të mungojnë nga shtatori

“I refuzojmë dy ekstremet”, ambasada amerikane në Tiranë ndan fjalimin e Zv.Sekretarit të Shtetit

U dënua me 1 vit burg, Ervin Salianji kërkon liri me kusht

Detaje nga shpërthimi në burgun e Fushë Krujës, lënda plasëse u hodh pranë gjeneratorit

POLITIKOFF

Gjykata italiane rrëzon Hysajn, dënohet me 40 mijë euro gjobë mbrojtësi shqiptar

Politiko 30 Prill 2025, 17:32

Gjykata italiane rrëzon Hysajn, dënohet me 40 mijë euro

Pas më shumë se pesë vitesh përballjeje ligjore, drejtësia italiane ka vendosur përfundimisht në favor të klubit të Napolit, duke i dhënë fund një prej kapitujve më të tensionuar në historinë moderne të klubit.

Në qendër të vendimit të Gjykatës së Kasacionit është mbrojtësi shqiptar Elseid Hysaj, sot pjesë e Lazio-s, i cili është dënuar me një gjobë prej 40 mijë eurosh dhe detyrimin për të mbuluar të gjitha kostot e procesit gjyqësor.

Çështja nisi më 5 nëntor 2019, pas një barazimi të Napolit ndaj Salzburgut në Champions League. Në atë kohë, drejtuesit e klubit, të pakënaqur me rezultatet, vendosën grumbullim të detyruar për skuadrën. Por disa lojtarë, mes tyre edhe Hysaj, refuzuan urdhrin, duke shkaktuar përplasje me presidentin Aurelio De Laurentiis. Trajner në atë periudhë ishte Carlo Ancelotti.

Ndërsa pjesa më e madhe e lojtarëve arritën një marrëveshje me klubin nëpërmjet ndërhyrjes së Kolegjit Arbitral në vitin 2021, Hysaj zgjodhi të ndjekë procesin ligjor deri në instancën më të lartë, por pa sukses.

Vendimi përfundimtar i Gjykatës i jep të drejtë Napolit për të ndëshkuar lojtarët që shkelin disiplinën e brendshme, duke vendosur një precedent të rëndësishëm për klubet italiane në menaxhimin e marrëdhënieve me futbollistët.

Të fundit