Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

POLITIKOFF

Gjyqi i Johnny Depp-Amber Heard: Juria merr vendimin

Politiko 1 Qershor 2022, 20:25

Gjyqi i Johnny Depp-Amber Heard: Juria merr vendimin

Një juri prej shtatë personash ka marrë sot vendimin në lidhje me padinë e Johnny Depp për shpifje kundër ish-bashkëshortes së tij Amber Heard.

Depp paditi për 50 milionë dollarë dëmshpërblim për një ese editoriale të vitit 2018 në "The Washington Post", në të cilën Heard tha se ajo ishte bërë një "figurë publike që përfaqësonte abuzimin në familje". Megjithëse eseja nuk e përmendi kurrë Depp-in me emër, avokatët e tij thanë se i referohej indirekt akuzave që ajo bëri kundër tij gjatë divorcit të tyre në vitin 2016.

Heard bëri një kundërpadi për 100 milionë dollarë dhe tha se ajo ishte e dhunshme me Depp-in vetëm në vetëmbrojtje ose në mbrojtje të motrës së saj më të vogël.

Gjyqi i Johnny Depp-Amber Heard: Juria merr vendimin

Pretendimet për shpifje të paraqitura në SHBA nga figura publike, si një aktor, zakonisht mendohen si raste të vështira për t'u fituar për shkak të standardit më të lartë që duhet të provojë një paditës. Gjykata e Lartë vendosi në vitin 1964 se paditë për shpifje të ngritura nga figura të shquara duhet jo vetëm të provojnë se pretendimet ishin të rreme dhe t'i shkaktonin dëme, por se personi që bëri deklaratën shpifëse e bëri këtë me "keqdashje të vërtetë".

Gjyqi i profilit të lartë, i cili u zhvillua për rreth gjashtë javë në Fairfax County, Virxhinia, u transmetua në të gjithë Shtetet e Bashkuara të Amerikës dhe në të gjithë botën dhe tërhoqi vëmendje të madhe, duke u kthyer në një nga temat më të diskutuara në rrjete sociale e në media prej gati dy muajsh.

Juria thotë se ka arritur një vendim në padinë e Johnny Depp për shpifje prej 50 milionë dollarësh kundër ish-gruas së tij Amber Heard.  Pas afërsisht 13 orësh diskutimi, juristët kanë marrë një vendim. Vendimi pritet të lexohet në vetëm pak minuta, ku edhe do të transmetohet live në Court TV dhe në shumë media të tjera të cilat po ashtu kanë transmetuar prej 6 javësh këtë gjyq.

Të fundit