"Goca e babit", Basha i lexon librin e preferuar vajzës së tij; Aurela i fotografon 'fshehurazi'

Kryedemokrati Lulzim Basha ka dy vajza me bashkëshorten e tij Aurelën. Ndryshe nga Basha, Aurela e "shfrytëzon" hapësirën në rrjetet sociale për pasionet e saj dhe momente të bukura me familjen.

Një moment të tillë bashkëshortja e Bashës sapo e ka postuar në profilin e saj në Instagram vetëm disa minuta më parë. Aurela ka ndarë një tjetër moment familjar të kreut të opozitës. I veshur me tuta, t-shirt dhe një pulovër, Basha shihet teksa shijon mbrëmjen me të bijën.

Sipas fotos por edhe përshkrimit të bashkëshortes së Bashës, ai po i lexon vajzës së vogël të tij librin e preferuar që ajo ka. Vajza e kreut të opozitës, duket që po shijon momentet me babanë dhe siç mund ta lexojmë dhe tek hashtagu i Aurelës, ajo është goca e babit.

Ky moment i veçantë baba-bijë duket se është kapur pa vëmendje dhe "fshehurazi" nga mami Aurela.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm