Haxhi Qamil Rama dhe drejtorët e Bashkive!

Nga Petrit Vasili

Na ishin një herë ca bashki, që i rrembeu një Haxhi Qamil Rama..!

Kështu do fillojë të tregohet gjëma e Shqipërisë së vitit 2025 kur zulutë rilindase rrëmbyen edhe copat e fundit të kufomës së pushtetit lokal.

Haxhi Qamil Rama nuk njeh as Kushtetutë dhe as ligj dhe heq e vë drejtorët në bashki si asnjë Kryeministër në Evropë e në botë, përveç fiseve zulu' të Afrikës

Të korruptuara dhe të vdekura kjo është fytyra e bashkive rilindase në Shqipëri.

Kryetare bashkie fantazma, që nëpërkëmben dhe poshtërohen publikisht nga Haxhi Qamil Rama dhe nuk hapin gojën, por ikin me bisht në shalë dhe plotësojnë me kokën poshtë marrëzitë e tij.

Haxhi Qamil Rama dhe deputetët lango të tij shpallin vendet vakante të drejtorëve të bashkive duke u sjellë si zulutë e Afrikës.

Ç'punë kanë këta zorzopë, që s'njohin as shtet dhe as ligj, me një pushtet të zgjedhur me votën e qytetarëve siç janë bashkitë.

Po pse kur ju arrestohen drejtorët nëpër Ministritë e qeverise së Haxhi Qamil Ramës a mos vijnë Bashkitë ti zevendesojnë?

Ta themi copë, per shkak te Haxhi Qamil Ramës, në Shqiperi Pushtet Lokal absolutisht nuk ka!

Pushteti Lokal është shndërruar në vendin ku po shfryn dufin dhe histerinë për krizen politike të 11 majit Haxhi Qamil Rama.

Veprimet e Haxhi Qamil Ramës janë ato të një të perçarturi të dalë dore, që pasi mbylli AKU-në, ju vërvit drejtorëve të bashkive, tavolinave të klubeve nëpër trotuare, pastaj u ul në gjunjë përpara Melonit si karagjoz, pra që shpik çdo lloj zhurme që të mos dëgjohen bubullimat e Brukselit për 11 majin.

Pushteti Lokal si pushteti më jetik për qytetarin ai, që garanton përditshmërinë e jetës së qytetarëve dhe problemeve të tyre është në agoni të vërtetë dhe po jep shpirt.

Kompetenca të rrëmbyera masivisht nga Haxhi Qamil Rama, korrupsioni galopant si dhe kapja peng nga rilindja për hallet e saj elektorale e ka shndërruar pushtetin lokal në një gërmadhë të vertetë.

Reforma e 2015 rezultoi të ishte vetëm një manovër e ndyrë politike e Ramës për ta asgjësuar pushtetin lokal.

Sot territori administrohet në mënyrë mizerabël dhe fshati dhe banorët e tij janë sot më të harruar e neglizhuar se kurrë, dhe të gjithë po kujtojnë me nostalgji komunat qe ishin një qind herë më pranë qytetarëve se sa bashkitë e sotme rilindase.

Shtimi pa fund i parazitëve nëpër zyra apo gjoja ndërmarjet e Bashkive vetëm sa rrëmben fonde pa dhenë asnjë shërbim të ri, por edhe duke mbyllur edhe ato pak shërbime që ishin për njerëzit e thjeshtë.

Afera e tmerrshme qindra milionë euro e inceneratoreve i vuri vulën se çfarë Qeverie dhe çfarë pushteti lokal grabitqar dhe të korruptuar deri në palcë kanë ndërtuar rilindasit.

Na ishin një herë ca bashki, që i rrembeu dhe i plaçkiti Haxhi Qamil Rama....!

Kështu mbaron rrefimi i gjëmës që ka rënë mbi pushtetin lokal në Shqipëri.