Flash News

Igli Tare emërohet zyrtarisht si Drejtori Sportiv i ri i Milanit

Dy vëllezër tentojnë të vrasin kushëririn në Kukës, njëri arrestohet pas një viti në arrati

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Vlorë/ Përplasi të miturën dhe u largua nga vendngjarja, shpallet në kërkim 27-vjeçarja

POLITIKOFF

Ish-truproja i Liam Payne, flet pas vdekjes së këngëtarit: Ishte viktimë e industrisë së muzikës

Politiko 18 Tetor 2024, 13:57

Ish-truproja i Liam Payne, flet pas vdekjes së këngëtarit: Ishte

Joni Proni, i cili ka shërbyer si truproja personal i Liam Payne, ish-anëtarit të famshëm të grupit One Direction, ka shprehur emocionet e tij pas lajmit tragjik të vdekjes së këngëtarit. Në një intervistë për emisionin “Jetë Shqiptare” në RTSH, Proni shprehu shokun dhe dhimbjen e tij të thellë për humbjen e Liamit, duke e përshkruar atë si një njeri të mrekullueshëm dhe të dashur.

Sipas Pronit, Liam ishte një person i mbyllur dhe kishte luftuar prej vitesh me probleme të alkoolit. Ai theksoi se shpesh e kishte kritikuar për këtë zakon dhe madje kishte përpjekur ta ndihmonte duke ia hequr alkoolin nga dora.

“U trondita shumë, megjithëse lajme të mira nuk prisja nga Liami. Kohët e fundit kam qenë i shqetësuar dhe i mërzitur për të. Kam kaluar 14 vite me të, dhe di që Liami nuk ka qenë shumë mirë. Nuk e fajsoj shumë, por ata që ishin rreth tij, sepse të gjithë thonin 'PO' për çdo gjë, edhe kur thoshte 'dua të vdes'. E doja si të ishte im bir; ka qenë një djalë i mrekullueshëm”, shprehu Proni.

Ai e fajësoi industrinë e muzikës për ndikimin negativ mbi Liamin, duke e përshkruar atë si një ambient të mbushur me njerëz të degjeneruar. Proni beson se presionet dhe sfidat e kësaj industrie luajtën një rol të rëndësishëm në vështirësitë që përjetoi Liam dhe tragjedinë e pasuar.

“Industria e muzikës ka njerëzit më të degjeneruar që ka bota. Çdo gjë negative që shikon në botë është e lidhur me muzikën. Mënyra se si trajtohesh dhe servilosja për artistët është e çuditshme. Më vjen keq të them se Liami ishte një viktimë e kësaj industrie. Nëse do të isha me të, ai do të ishte gjallë sot”, tha Proni.

Kjo ngjarje e rëndë ka tronditur botën e muzikës dhe fansat e Liam Payne, ndërsa ish-truproja i tij mban zi për një person që e konsideronte një pjesë të rëndësishme të jetës së tij për më shumë se një dekadë.

Të fundit