"Ishte e tmerrshme", Kate Winslet tregon si u bullizua pas filmit të 'Titanic'

Kate Winslet, aktorja që ka luajtur dhjetëra role por që më i rëndësishmi në karrierën e saj ngelet ai i Rose në “Titanic” - i cili rezultoi një sukses i jashtëzakonshëm - ka rrëfyer se sa shumë është bullizuar pas filmit.

Sipas aktores, mediat britanike u treguan shumë të ashpra me të dhe e kritikuan duke nisur nga pasha e deri tek mënyra si Winslet menaxhoi famën e menjëhershme pas rolit protagonist në film.

“Ishte ndryshe nga njëra ditë në tjetrën. Isha subjekt i vëzhgimit fizik personal dhe u kritikova shumë. Shtypi britanik ishte me të vërtetë i keq me mua. U ndjeva shumë e bullizuar. Më kujtohet që vetëm mendoja: ‘Mirë, mirë, kjo është e tmerrshme dhe shpresoj të kalojë’. Me të vërtetë kaloi, por gjithashtu më bëri të kuptoj se nëse fama ishte ashtu, nuk isha gati të isha e famshme,” - ka treguar aktorja në shfaqjen e komedianit amerikan Marc Maron.

Kate tha po ashtu se asokohe ishte vetëm 22 vjeç dhe po mësonte ende si të aktronte dhe të kuptonte sa më mirë profesionin e saj, por kritikat e bënë të ndihej shumë inferiore.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm