Jeff Bezos do i kalojë pushimet e verës në hapësirë

Themeluesi i “Amazon”, miliarderi Jeff Bezos ka vendosur që pushimet këtë vit t`i bëjë në hapësirë. Bezos do të udhëtojë drejt hapësirës muajin e ardhshëm, në fluturimin e parë të kompanisë së tij të raketave “Blue Origin”.

“Të shohësh Tokën nga hapësira, të ndryshon, ndryshon marrëdhënien tënde me këtë planet dhe njerëzimin. Unë dua ta bëj këtë fluturim, sepse është diçka që e kam dashur gjithë jetën. Është një aventurë”, u shpreh themelues i “Amazon”, sipas mediave të huaja.

Ai do të marrë me vete vëllanë e tij Mark dhe kompania e Bezos ka nxjerrë në ankand një vend të tretë, vlera e të cilit ka arritur në 2.8 mln dollarë, me thuajse 6 mijë pjesëmarrës.

Udhëtimi do të zgjasë në tërësi 10 minuta, përfshirë përjetimin e mungesës së peshës.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm