"Joe, ti e di që fitova", si është e vërteta e letrës së Donald Trump për Joe Biden

Një foto "e letrës" së supozuar që Donald Trump ka lënë në tavolinën e presidentit Joe Biden, u publikua masivisht në rrjetet sociale. Por, përveç rrjeteve sociale, të nxituar u treguan dhe gazetarët duke e postuar në media gjithandej, menjëherë pas përurimit të Biden.

Në letrën e supozuar shkruhej: "Joe, ti e di që unë fitova."

Të shumtë janë ata që e besuan këtë letër, por në fakt është thjesht një montim dhe një "fake neës".

Kjo përmes disa fakteve shumë të thjeshta që nëse bëni një kërkim shumë modest në Insternet, mund të verifikoni se letra është thjesht një mashtrim.

Së pari, vula presidenciale në letrën e falsifikuar nuk përputhet me shembujt e mëparshëm të dërguar nga Shtëpia e Bardhë e Trump.

Për këtë, mund ti hidhni një sy letrave të Trump drejtuar Kim Jong Un, të Koresë së Veriut në 2018-ën (në këtë link) dhe presidentit të Turqisë, Tayyip Erdogan në 2019-ën (në këtë link). Këto letra kishin një kreshtë ari në krye, ndërsa letra e rremë ka një vulë me ngjyrë, që në fakt është thjesht e marrë nga Wikipedia, të cilën e gjeni me togfjalëshin "Vula e Presidentit të Shteteve të Bashkuara" (në këtë link) .

Një tjetër fakt është se në letrën "fake", pra, të montuarën, ka një adresë në fund. Gjë që e bën të ndryshme nga letrat që më përpara ka dërguar Trump (të cilat i keni të shpjeguara më lart.)

Por, e vërtetë është që ish-presidenti Trump i ka lënë një letër presidentit Biden - por kjo letër NUK ËSHTË BËRË PUBLIKE.

Megjithëse, Donlad Trump nuk pori pjesë në përurimin e Biden, ai nuk e anashkaloi traditën presidenciale të lënies së një letre për pasardhësin, por përmbajtja nuk është zbuluar dhe Biden u ka thënë gazetarëve në Shtëpinë e Bardhë në 20 janar, ditën e inaugurimit të tij, se “presidenti shkroi një letër shumë bujare”, por “ISHTE SHUMË PRIVATE”.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm